SAAM LABU 60 - Ngawm Bible

Luatnak Tuk Thungetnak

¹ Pathian aw, kohte cu lawlin siatik zo ci. Ka hum uhah na thinuk zo; Mahnaven keimu lam hek kikleh zalin hi.

² Ka ngam hempoh uh hingin satkeh khawng zo ci, A meima cu damtik lehin, itahim titale balkeh khawng tuk hi.

³ Na mihingte haksatnak tampi thuak zo hi. Zukham misilte bangin hoi kawkawitik zo ci.

⁴ Nangmah a kihcatute dantatnak pen a suahcak theihnak haw tukin, a muhte ngallinnak pia zo ci.

⁵ Na ngilnak tuah hu panin, na ihmi na mihingte a luatnak haw tukin ka thungetnak uh donleh zalin hi.

⁶ A munthiang sung pen Pathian in, “Lungdam zetin Shekhem cu khen tung. Sukkoth munlawn cu ka miphunte sem tung.

⁷ Gilead ngam cu kata hi in, Manasseh vang kata hi. Efraim cu ka lukhu hi; Judah cu ka bawi thiangkhut hi.

⁸ Mahnaven Moab ngam cu kata tih theihnak tukin ka khut somnak kuangin mang tung. Edom ngamah ka kedam vawk tung, Filistin ngamin, “Neh ing ngei” tin, ka humah, au ngam tukin ngaisung haw ni maw,” ti hi.

⁹ Maw Pathian aw, kulhtian khuapi ah Kua kaw kei a hawhpih tuk? Edom ah akua in pui tuk kaw?

¹⁰ Kohte vawk ngangai zo cim? Ka ngalkapte uh tuah hawh bok tukma cim?

¹¹ Kohte hehpih inna, ka ngal uh do bawm bokin, Itahim titale mihing tei bopnak cu a phukthong hi.

¹² A lam uhah Pathian in, a panpih tale; neh tuk hung hi; A ngalte uh neh tuk hi.