SAAM LABU 59 - Ngawm Bible

Himnak Tukin Thungetnak

¹ Ka Pathian, ka ngal tei khut sung pepan zalin hi. Keimah a dotu tei lak pen hup zalin hi.

² Hi mipha ngawl tei khut pen hup inna, Hi mi thattu tei lak pen luattik zalin hi.

³ Zo hemin! keimah do tukin pang haw hi. Hehpihnak nei ngawlte cu keimah do tukin mansa in pang haw hi. Sualnak le khelhnak ka neih hangin hi ma hi;

⁴ Topa aw, ka sualnak imah umma naven, hi bangin a umnak mun haw tek pen keimah do tukin mansa in um haw hi.

⁵ Topa aw, Cungnungbel Pathian tho inna, keimah bawmin hi. Israel Pathian, nangmahno in zo bok hemin! Khanglo inna, hite hi dantatin hi. Hi mipha ngawl, mi nautat thei tei humah hehpihnak nei pahsun.

⁶ Taklamin hung leleu haw, khuapi sung sak le hangah vak haw in, uico bangin thum thathah haw hi.

⁷ Tamsiatnak awn sia a ot haw mi hi ngai hemin! A lei haw cu a kam sung hawah ngalnam bang hi. Mahnaven a mun, “Kua in kaw kohte a thei tuk?” ti haw hi.

⁸ Mahnaven maw Topa, nangin nuihsan thong ci. Mahtibang miphunte cu cekpan bawlnakin mang ci.

⁹ Maw kei Pantu, na tha ngilnak hi ka muan. Maw Pathian aw, nang cu ka buknak kulhtian hi ci.

¹⁰ Ka Pathian cu keimah it in, ka lakah hung tuk hi. Ka ngalte a sun haw khi mutik tuk hi.

¹¹ Maw Pathian aw, that khawng pahsun, ka mihing ten phawkngil kha haw tuk hi. Na ngilnak tuah khenkhek khawng inna, neh khawngin, kohtei humhimtu le ka Topa uh!

¹² A muk hawah sualnak um; A awnkam haw cu sualnak awnkam hi. A pualthaunak hawah awk cop haw tahen. Mi tamsia in zolthu a son haw hangin hi.

¹³ Na thinukin siatsuah khawngin; Pa khatno hei khawih ngawlin siatsuah khawngin hi. Mi hempoh ten, Israel ngam cu Pathian in ukin, a uknak cu leihum hempoh ah heng khawng hi, tih thei haw tuk hi.

¹⁴ Ka ngalte cu taaklam ten hungleh haw in, uico bangin thum thathah haw in, khuapi sungah vak haw hi.

¹⁵ Uico an zei bangin vak kawkawi haw hi, Eih tham a ngah haw ngawl ten kio in au haw hi.

¹⁶ Mahnaven na ngilnak cu la in sa tung. Zingsialin, a kho mi na ihnak thu cu nging zetin sa tung Nang cu ka buknak kulhtian hi ci. Ka haksat hun ten ka buknak hi ci.

¹⁷ Maw, keimah pantu, nangmah cu thangphat tung. Ka buknak cu Pathian hi; Kei a ittu Pathian cu!