SAAM LABU 52 - Ngawm Bible

Pathian Thukhennak le Hehpihnak

¹ Maw mi ngilpa, itakaw na ngitlohnakte, na ultun pih lih? Pathian muantak a hihnak cu kho leleng hi.

² Nang in, midang siatsuah tuk ngaisung ci; Na lei cu sam mehnak naam bangin hiam hi. Catngawlin zolthu son leleng ci.

³ A pha mi sangin a sia mi deih saw ci. Thutak sangin thuman ngawl zui saw ci.

⁴ Maw zolthu son pa, na awnkam tuah Midang thasiatik tuk cu nopsazet ci.

⁵ Mah hangin, Pathian in kumkhua in siatsuah tuk hi, Na umnak inn pen dokvawk tuk hi. Mihing tei umnak ngam pen vawk tuk hi.

⁶ Mahmi cu midik ten amuh haw ten lau haw tuk hi. Nuihsan haw tuk a,

⁷ “Himnak deihin Pathian muang ngawlin ama letnak saw a muangtu zo un. Phatngawlnak tuah lungmuannak a zeitu pa hi,” tin ti haw tuk hi.

⁸ Mahnaven kei cu Pathian inn el a po mi olif thingkung bang ing. A kho mi a ihnak cu kumkhua in muang ing.

⁹ Maw Pathian aw, na thil bawlsa hangin pahcawi leleng tung. Na mihing tei mai ah na phat daan cu aupih leleng tung.