SAAM LABU 47 - Ngawm Bible

Uktu Cungnungbel

¹ Maw leihum mite, lungdamin, baibeng un; Pathian cu la tuah nging zetin thangphat un.

² Topa, Cungnungbel cu kihcak tukmi hi. Amah cu a ngengbel kumpi hi a, lei buppi uktu hi.

³ Aman miphun tampi tei humah nehnak ohte pia in, miphun tampi uktu in bawl hi.

⁴ Ohtei ca in, a umnak uh leingam hi na ten sak hi; A ihmi a mihing tei co mi, Jakob i sunsakmi ngam sunglawi cu!

⁵ Pathian cu a kumpi khunnakah hawh hi. Topa a hawh ten lungdamnak au thawm le pengkul tum thawm um hi.

⁶ Pathian nelah thangphatnak lasa un, A kumpi uh lakah pahcoihnak lasa un.

⁷ Pathian cu lei buppi humah kumpi hi, amah cu la tuah thangphat un.

⁸ Pathian cu a kumpi khunnak thiangtho ah khungin, miphun hempoh uk khawng hi.

⁹ Leihum miphun uktute cu Abraham i mihingte tuah munkhatah tawkdun khawm haw. Ngaldotu tei ngal lumphol hempoh cu Pathian ta hi khawng hi. Amah cu ihempoh uktu hi.