SAAM LABU 46 - Ngawm Bible

Pathian Ohtei Lakah Um

¹ Pathian cu eimuh huptu le a zaangtha uh hi. Haksat hun ten bawmtu hi.

² Mah hangin imah lau tuk mang, leipi hingin, tuipi thuanthum sungah mual sangpite cak khawngin;

³ tuipi cawkte thum dudumin le mualte hingin, a cim haw hei in lau tuk mang.

⁴ Pathian khuapi sungah le Cungnungbel i umnak inn thiangtho, A mawitiktu ngun pa khat um hi.

⁵ Mah khuapi ah Pathian um hi. Ituk mahten siatsuah hi tukma hi. Zingtungno in, mah khua bawm tukin hung tuk hi.

⁶ Miphun hempoh a mulling haw in, kumpi uknak ngamte hing khawng hi. Pathian in, a awsuahin, leipi cu thamthong khawng hi.

⁷ Cungnungbel Topa cu ohtei lakah um hi. Jakob i Pathian cu buknak kulhtian hi.

⁸ Hung un; Topa i bawlmi hi zo hem un. Leihum a na bawl theihdan hi.

⁹ Leihum buppi ah ngaldaitik khawng hi. Thalcangte ektuah khawng hi, ceipite sattan khawngin, ngal lumphawte cu mei ah haal khawng hi.

¹⁰ Amah in, “Na dodunnak uh cu cawl toh unna, keimah cu Pathian ka hihlam thei un. Miphun hempoh humah bawibel hi ing a, lei buppi hum hei ah bawibel hi leleng ing.”

¹¹ Cungnungbel Topa cu ohtei lakah um hi; Jakob i Pathian cu a kulhtian uh hi.