SAAM LABU 36 - Ngawm Bible

Mihing Phatngawlnak

¹ Sualnakin mipha ngawl lungmu sungah thu hilhin, Pathian cu lawlin, kihcaknak demno hei nei ma hi.

² Amah le mah a uangcop leita hangin, “Pathian in ka sualnak mu tukma hi, Mah hangin kei vawk tukma hi,” tin ngaisung hi.

³ A kam pen a tulmi cu sualnak le zolthu bebek hi. Phatnak le cihnak imah bawl ma hi.

⁴ A zaunak humah zauthahin thilpha ngawl ngaisung hi. Thei leng na pi in, lampi pha ngawl zui hi. A ningdelhmi sualnak imah umma hi.

Pathian i Phatnak

⁵ Topa aw, a kho mi na mi ihnak cu Vancung hengin, muantak na hihnak cu van khong hi.

⁶ Na dikcangnak cu mualpi bang khohin; na thukhennak cu tuipi thuanthum bangin thuk hi. Mihing le ngamsate cingkem ci.

⁷ Maw Pathian aw, a kho mi na mi ihnak cu sunglawizet si! Miten na ha nuai ah himnak ngah haw hi.

⁸ Na innsung a, eih celh ngawl an cu ei haw in, na phatnak lui pen tui pia ci.

⁹ Nang cu nunnak hempoh tei nunnak ciktui hi ci. Nangma vaknak hengin vaknak mu ung.

¹⁰ Nangmah a theitu tei lakah, na ihnak cu catngawl um henna, Lungmu dikcang nei tei lakah, na phatnak cu catngawlin bawl zalin hi.

¹¹ Mi uangkho cop ten do zal pahsuh hen, mipha ngawl ten taitik zal haw pahsuh hen.

¹² Mipha ngawl tei caksuknak zo hemin! Mahlai munah lumin, tholeh thei haw ma hi.