SAAM LABU 35 - Ngawm Bible

Bopnak Tuk Thunget

¹ Topa aw, keimah a langpangtute cu langpang bok inna, a dotute cu doleh bokin hi.

² Na lumphol le na ngaldonak angki la inna, keimah bawm tukin tulin hi.

³ Na ceipi le na hiamnam la inna, keimah a hiltute cu khamin hi. “Nangmah pantu ing hi,” tin thutiamin hi.

⁴ Keimah thah a tumtute cu sungin zakca in um haw tahen. Keimah siatsuah tukin a suamtute cu thinnau le lungmutamin kik haw tahen.

⁵ Topa i vancungmi in, a hilvawk ten, huih i muhmi cangvai bang hi haw tahen.

⁶ Topa i vancungmi in, a vah ten, a lampi haw thimin bah haw tahen.

⁷ Imah thu hei um ngawlin keimah man tuk thangsiahin khuk thukzet co haw hi.

⁸ Mahnaven a celh haw laih ngawlin siatnakin pha tuk hi. Amu siahmi thangin amuh awkcop haw tuk hi. Amu cawhmi khuk sungah caak haw tuk hi.

⁹ Topa hangin ka thatui tung, kei a hup zo hangin ka thatui tung.

¹⁰ Topa i lakah lungmu venghawngin, “Nangmah bang kuamah um haw ma hi. Mi nawmtamte cu mi ngil ngalpha tei khut pen hup ci. Mi ca-ngah le nuncimte cu mi zawnsaktu tei khut pen hup ci,” ti tung hi.

¹¹ Mipha ngawl ten ka sual zei tukin hung haw. Ka theih awng ngawlmi sual nawn haw hi.

¹² Phatnak cu siatnak tuah lulleh haw in, thinnau le lungsia in um ing.

¹³ Kei in amuh tei dam ngawl ten thasia le thangkhau puan silhin, an cangin um ing.

¹⁴ Ka ngualcam le ka unau tei ca lu kunin thungen ing. Mi pa kha khat a nu thi in, mithi a ngaih bangin, amu ca in lungsia le kuunin hawh ing.

¹⁵ Mahnaven haksatnak ka tawh ten, amuhte cu lungdam haw hi. Ka elkimah umcipin nuihsan haw hi. Ka theih awng ngawl mite hei in vaat haw, cawl ngawlin vaat leleng haw hi.

¹⁶ Mizawngte zawnsakin, a khalhsiat haw bangin hi. Huatnak mit tuah zo haw hi.

¹⁷ Topaaw, itik tian kaw hi bangin na zoh thong tuk? Hiti bangin kei a vahnak haw pen pan zal inna, ka nunnak cu hi kiosa tei lak pen hup zalin hi.

¹⁸ A hulawmmi na mithiang tei lak pen pahcawi tung. Mi honpi tei mai pen nangmah thangphat tung hi.

¹⁹ Zolthu sontu ka ngalte cu khamin, ka sun hangin ang haw pahsuh hen. Thu la um ngawlin kei a huatute cu kham inna, ka lungsiatnak hangin lungdamin nui haw hok haw pahsuh hen.

²⁰ Ngualcam pha bangin awn haw ma, Lemnak a deihtute cu zolthu phunkim nawn haw hi.

²¹ Sual nawn haw in, “Na bawlmi thei ung,” tin ngingzet au haw hi.

²² Mahnaven, maw Topa nangin hite hi mu khawng ci; Mah hangin mengdenin um zal pahsun, Topa; Khawlapi ah umsan thong pahsun.

²³ Tho inna, Topa aw, kei hupin; ding inna, ka Pathian ka lamah tangin ka thu sonsak zalin hi.

²⁴ Topa aw, nang cu a dikmi hi ci. Mah hangin mawh nei ngawlmi hi tin sonsak zalin hi. Ka ngalte cu nui haw hokin umtik pahsun.

²⁵ “Hawlvawk zo ung, ka deih uhmi bawl ngah zo ung,” tin tituk ngawlin nangmah in khamin hi.

²⁶ Hitihzah ka thuaknak humah a nuihsantu cu, zakca le lungmutamin um haw tahen. “Amuhte sangin pha saw ung,” a titute cu, mualpho le zakca in um haw hen.

²⁷ Keimah in thiam ka cotikmi cu lungdam thatui in um hen na, “Topa cu thawmngeng hi; A sila lawhtinnak a ngah hangin a lungdam hi,” tin catngawlin au haw hen.

²⁸ Na diknak cu ka mukkamin than tung, sun nilui in nangmah thangphat tung.