SAAM LABU 28 - Ngawm Bible

Bopnak Tuk Thunget

¹ Topa aw, ka belhnak suangpi nangmah sam ing hi Ka aunak awte ngai in! Na don ma ahi tale, mithi khua a hawhmi tei lakah tel tung hi.

² Bopnak ngenin nangmah sam ing hi; Na biakinn thiangtho lam hekin baan ka zak ten, ka aunak awte theihsakin hi.

³ Siatnak bebek a bawltute le a awnkam haw cu hum naven, a lungmu haw cu huatdunnak tuah a dimmi, mipha ngawlte bangin kei humah thukhen pahsun hi.

⁴ Thil sual a bawl haw bangin, lul lehin hi. A nadeh haw mi bangin dantatin hi.

⁵ Topa i nadehmi le, a khut tuah a bawlmite cu imah simsial haw tukma hi. Mah hangin siatsuah inna, ituk mahten tholeh haw tukma hi.

⁶ Topa i lakah thangphatnak pia un; hehpih ka ngetnak aw cu za zo hi.

⁷ Topa cu ka thazaang le ka lumphol hi; amah cu muang ing. Kei a bop hangin ka lungdam hi; amah pahcoihnak cu la in sa ing.

⁸ Topa in, a mihingte humhim hi. A sathau thihmi kumpi cu pan hi.

⁹ Topa aw, na mihingte hup inna, nata ahi mite cu muicu pia in hi. Tuu bangin cing inna, kumkhua in cingkemin hi.