SAAM LABU 24 - Ngawm Bible

Kumpi Ngeng Minthang

¹ Lei buppi le a sung a um hempoh cu, Topa ta hi. Leipi le a hum a ummi hempoh, amata hi.

² Itahim titale tui thukzet humah, leipi cu dingtikin, a bul cu tuipi thuanthum tawdengah a zungmut hi.

³ Topa i mualah akua kaw a kai tuk? A biakinn thiang sungah akua kaw a tum tuk?

⁴ A bawlmi le ngaihsutnak a thiangthomi, milim a bia ngawlmi le, zolthu a son ngawlmi hi tuk hi.

⁵ Amah cu Topa in, muicu pia tuk a, pan tuk hi; Pathian in, “Khelhnak nei ngawlmi hi ci,” tituk hi.

⁶ Pathian lak pen a hungmi cu mahti bangte hi haw hi; Jakob Pathian i mitmai a zeitute hi haw hi!

⁷ A sunglawi mi kumpipa a tum theihnak tukin, kulhtian kongkate hon unna, tanglaih kongkate aw, dangtodun un hi.

⁸ A sunglawi kumpi cu akua kaw? A ngilmi le a thawmngengmi Topa, ngaldonak a nehtu Topa hi.

⁹ A sunglawi mi kumpipa a tum theihnak tukin, kulhtian kongkate hon unna, tanglaih kongkate aw, dangtodun un hi.

¹⁰ A sunglawi kumpi cu akua kaw? Amah cu mi hempoh i Topa, a thawmngengmi kumpi hi.