SAAM LABU 20 - Ngawm Bible

Nehnak Tuk Thungetnak

¹ Apvansanin, na um ni ten na aunak aw cu Topa in thei zal tahen. Jakob Pathian in nang hup zal hen.

² A biakinn pen bopnak pia henna, Zion mual pen panpihnak pia zal hen.

³ Na biakpiaknak hempoh saang henna, halkang biakpiaknak na piakmi humah a lungdam zal hen.

⁴ Na lungtupmi hempoh na pia henna, na tuptah mite pitungtik zal hen.

⁵ Mahti bangin na neh hangin lungdamin, au tuk hung a, na nehnak cu Pathian thangphatin pahcawi tung. Topa in, na nget uh hempoh pia zal tahen.

⁶ Sathau thihmi kumpi cu, Topa in nehnak pia hi tih thei ing. A vancung thiangtho pen a aunak cu zain, a taklam khut cu mi nehtu cangtik hi.

⁷ Mi khenkhat ten a ngaldonak cipuh leeng muang haw hi. A khenkhat ten a cipuh muang haw hi. Mahnaven ohten, Topa a Pathian ngilnak muang hung hi.

⁸ Amuhte cu bah haw tuk a, lumvawkta haw tuk hi. Mahnaven ohte cu tholehin kho zetin ding tuk hung hi.

⁹ Topa aw, kumpi cu nehnak pia zal in, ka sam uhten za zalin hi.