SAAM LABU 2 - Ngawm Bible

Pathian Tenmi Kumpi

¹ Ita miphun ten langpang tukin ngaisung haw him? Ita mihing ten sullam um ngawlin thu vaisiam kuh haw him?

² Amuh tei kumpi ten ngal tho haw hi. Topa le sathau a thihmi kumpi cu do tukin, a kumpi le hotu ten suam tukin thu vaisiam haw hi.

³ Amuh ten, “A uknak haw pen suakca thei tukin bawl nung, a kennakte lawl nung,” tin ti haw hi.

⁴ Topa cu vancung a, kumpi khunnak pen nui hi, a muh tei ngaihsutnakte cu nuihcip hi.

⁵ A thinukin amuhte cu thuhilh hi. A thinuk pulhangin amuhte cu apvansanin bawl hi.

⁶ Topa in, “Ka mual thiangtho Zion mual humah, ka tenmi kumpi cu khungtik zo ing,” ti hi.

⁷ Kumpipa in, “Topa i thukhennak than tung,” “Topa in ka lakah nangmah cu ‘Ka capa ci, tuni in, na pa hi zo ing.

⁸ Ngen inna, miphun hempoh cu pia tung; lei buppi cu nata hi tuk hi.

⁹ Thik ngolh tuah vatkeh khawng tuk ci, leibeel a sukkeh haw bangin vatkeh khawng tuk ci,’ ” ti hi.

¹⁰ Mah hangin kumpite, ngai hem un; mi uktute cung un hi.

¹¹ Topa cu kihcaknak tuah a nadek un,

¹² Can tawtok thahin, a mai ah kun unna, mahma tale, a thinuk tuk a, lalthong tuk uh ci; Itahim titale thakhatin, a thinuk tuk hi. Amah zuanin, humhimnak a ngahte cu mi muicu haw hi.