SAAM LABU 15 - Ngawm Bible

Pathian Innah A Um Tukte

¹ Topa aw, na biakinn ah akua kaw a belh tuk? Na mual thiangtho Zion ah akua kaw a um tuk?

² Ihempoh ah sonsiatnak um ngawlin a nungtu le thudik a bawl leleng tu; thuman le lungthiangin, a awntu le

³ midang a sonsia ngawltu; a ngualcam tei lakah thilpha ngawl bawl ngawlin, a inn nelte a sonsia ngawltu tuk hi.

⁴ Misualte imah simsial ngawlin, Topa a kihcatute a pahcawitu; itih zahin, a ca in, a na vangin, a thutepsa bangin a zui suak lelengtu.

⁵ Sum khang tuah midang a putik ngawltu le mawh nei ngawlte mawhtik tukin nawhthuh a la ngawltute hi haw tuk hi. Hiti bang a bawltute cu haksatnak tawkin lum awng haw tukma hi.