SAAM LABU 149 - Ngawm Bible

Thangphatnak La

¹ Topa cu thangphat un! Topa i lakah la thak sa un! Amah a muangtu a mihing tei tawhdun khawmnakah thangphat un!

² Maw Israel, nang a Semsuahtu hangin na lungdamin! Maw Zion mite, na kumpi uh hangin, na tha uh tui un!

³ Laam thahin, a min cu thangphat un; Amah thangphatnakin khuang le phaidaak tum un!

⁴ A mihing tei humah Topa a lungdam hi; Ngalnehnak tuah mi lungnemte cu upatnak pia hi.

⁵ A nehnak haw hangin, Topa i mihingte cu lungdamin um haw hen; Thatui zetin zaunak hum pen lungdamin lasa haw hen.

⁶ Pathian thangphat thahin, nging zetin au haw hen. A hiammi a ngalnam haw cu a khut hawah cawi in,

⁷ miphun dadang neh tukin le mi hempoh dantat tukin;

⁸ a kumpi haw khih tukin le a puitu haw thik taicin tuah ken tukin,

⁹ Pathian i thupiaknak bangin miphun dangte bawlsia tukin hi. Hihi cu Pathian mihing tei nehnak hi. Topa cu thangphat un!