SAAM LABU 146 - Ngawm Bible

Pantu Pathian Thangphatnak

¹ Topa cu thangphat un; Maw ka nunnak, Topa cu thangphat un.

² Ka nunsung hempoh amah thangphat tung. Ka nunsung catngawlin ka Pathian nelah lasa tung;

³ Nang a pan thei ngawltu mihing puitu tei humah na muannak uh koih pahsun un;

⁴ Thi haw in leivulin suak haw hi; Mah ni-in, a tuptahmi hempoh bo khawng tuk hi.

⁵ Amah bawmtu tukin Jakob i Pathian a neitu cu mi muicu haw hi.

⁶ Lei le van, tuipi le a sung ummi hempoh bawltu, Topa Pathian a muangtu cu; Topa in, a thutepmi kimtik leleng hi.

⁷ Nuainep a tawkmite panin, thuson sak a, Topa in thawngta mite cu luattik hi. Ngilkialmi tei lakah an pia hi.

⁸ Mitcawte khua mutik hi. Mi niamkhiatte cu cawisangin, a midikte cu it hi.

⁹ Ngamsung um miphun dangte hupin, meivong le nu le pa nei ngawlte bawm hi. Mahnaven mipha ngawl tei tuptahnak cu siatsuah hi.

¹⁰ Topa cu kumkhua in kumpi hi tuk hi; Maw Zion na Pathian in kumkhua in uk tuk hi. Topa cu thangphat un.