SAAM LABU 141 - Ngawm Bible

Taaklam Thungetnak

¹ Topa aw, nangmah sam ing; Ka sam ten ngai zal inna, tu in kei hu bawm zalin hi.

² Ka thungetnak cu biakpiaknak ai-in sang inna, ka khut ka zakmi cu taaklam biakpiaknak ai-in, na sansak zalin hi.

³ Topa, ka kam kemtu tuk hei in hihen, ka muk cingtu tuk hei in hihen koih zalin hi.

⁴ Thil sual bawl nuam ngawltu hi tukin bawm inna, Mipha ngawl tei phat ngawlnakah tel tuk ngawlin khamsakin hi.

⁵ Mipha in ngaihsaknak tuah liatin, dantat tuk hi; Mahnaven mipha ngawl i upatnak cu sang awng tuk mang. Itahim titale a bawlmi thilpha ngawlte deih ngawlin thungen leleng ing.

⁶ Amuh uktute cu suangtep liang pen, vawktul a hih haw ten, ka thu a mandan cu mihing ten phuangleh haw tuk hi.

⁷ A cehkeh haw mi thing bangin, a nguhte cu khaan elah khenkhek khawng hi haw tuk hi.

⁸ Mahnaven Ihempoh tithei Topa nang cu muang leleng ing; Nangma hupnak bek zei ing; Kei hi thitik zal pahsun!

⁹ Ka ca in, phat ngawlnak bek a bawltu tei a thangsiahnak haw pen hupin hi.

¹⁰ Kei cu himdamno in ka ngamtat laih takin; mipha ngawlte cu amu siahmi thangah caksuk haw tahen.