SAAM LABU 138 - Ngawm Bible

Lungdamnak Thunget

¹ Topa aw, ka lungmu venghawngin pak ing; pathian dang tei mai ah na thangphatnak cu, la in sa tung.

² Na Biakinn thiangtho lam hekin kun ing; A thek awng ngawl mi na ihnak le muantak na hihnak hangin; nangmah le na thupiakmite cu a sangbelin, na langtik hangin, Na min cu thangphat ing.

³ Ka sam ten don ci; Na thazaangin kei ngiltik ci.

⁴ Leihum kumpi hempohin, Topa nangmah cu thangphat haw tuk hi. Itahim titale na thutepmi thei khawng zo haw hi.

⁵ Topa i bawlmi hempoh le a sunloihnak huham cu la in sa haw tuk hi.

⁶ Topa cu a sangbelah um naven, mi nauta tei ca ngaisung hi; A mitmuh pen mi pualthaute cu ngelh thei haw ma hi.

⁷ Haksatnak tampi ten a kil khawng haw hei in, nangmah in kei hup ci. A thusia zetmi ka ngalte cu do sakin, na huham tuah kei pan ci.

⁸ Na tepmi hempoh cu kimtik khawng tuk ci. Topa, na ihnak cu kumkhua in kho hi. Na patsami na nadeh cu kimtik zalin hi.