SAAM LABU 129 - Ngawm Bible

Israel Tei Ngal Tamsiatnak

¹ Maw Israel, na khanno laihin, na ngal ten, Hehpihnak nei ngawlin nang a bawlsiatnak haw cu atu-in hilhin hi.

² “Ka khanno laihin, ka ngal ten hehpihnak imah um ngawlin, kei bawlsia haw; Mahnaven neh awng haw ma hi.

³ Ka ngum pen sun haw a, lei vih bangin thuk zetin suntum haw hi.

⁴ Mahnaven a dikcangmi Topa in, saltannak pen luattik zo,” ti in hi.

⁵ Zion a huatu hempoh cu zakca in, a sungmi le a hawlvawk lehmi hi tahen.

⁶ A khan bo laih ngawlin a thim lehmi, inn hum a pomi hampa bangin ko tahen.

⁷ Mah hampa cu kuamah in cawm haw ma, Cangtel bangin kuamah in pua haw ma.

⁸ A kuamah in, “Topa muicu pia zal tahen! Topa i minin muicu pia ung!” tin ti haw tukma hi.