SAAM LABU 122 - Ngawm Bible

Jerusalem Pahcoihnak La

¹ “Topa i innah hawh nung?” a tih ten ka lungdam.

² Atu hilai ah um ing; Jerusalem kongkhah sungah ding hung.

³ Jerusalem khuapi cu mawitik lehmi le leplehmi hi.

⁴ Topa i thupiaknak bangin Israel hinnamin, Topa i lakah lungdamnak pia tukin, a hun meknak haw khua hi.

⁵ Hi khua sungah thukhennak zung umin, Israel Kumpi in, a mihing tei thu a khennak mun hi.

⁶ Jerusalem i lemdaihnak tukin thungen un! “Nangmah a deihtute cu khangto haw tahen.

⁷ Na khua upnak tian sungah lemdaihnak um henna, Na kumpi inn sungah himnak um hi,” tin ti hi.

⁸ Ka sangngam le ka ngualcam pih tei hangin, Jerusalem lakah, “Lemdaihnak na humah um tahen,” tin ti ing;

⁹ Topa a Pathian uh i innkuate hangin, mi neinungzet na hihnak tukin ngen ing.