SAAM LABU 113 - Ngawm Bible

Topa i Phatdan Thangphatnak La

¹ Topa cu thangphat un! Maw Topa i silate, a min cu thangphat un!

² Topa i min cu tu le kumkhua in thangphatin um tahen.

³ Ni tulnak pen nitumnak tian, Topa i min cu thangphatin um hen!

⁴ Topa in miphun hempoh cu ukin; a sunloihnak cu van sangin sang saw hi.

⁵ Topa a Pathian uh a bangtu kuamah um haw ma. Amah bangin a sangbelah umin,

⁶ Lei le vante sukzohin, a zo theitu akua kaw a um tuk?

⁷ Mi ca-ngahte cu leivul lak pen khaisangin, Mi lawhsamte cu a haksatnak haw pen cawi hi;

⁸ Amuhte cu uktu le lalthong tei ngualcamin bawl hi.

⁹ Ca nei ngawl nucingte cu a inn hawah mitmai phatnak cotik hi; Cano pai in, a lung haw damtik hi. Topa cu thangphat un!