SAAM LABU 108 - Ngawm Bible

Bopnak Tuk Thungetnak

¹ Maw Pathian aw, ka lungmu venghawngin nangmah muang ing. Lasa tung a nangmah thangphat tung. Maw ka hawvang, khanglo tohin!

² Ka phaidaak le ka pheveu tho toh un! Ni cu phong tung hi.

³ Topa aw, miphun tampi tei lak pen nang pahcawi tung. Mihing tampi lakah nangmah cawimawi tung.

⁴ Na ihnak cu vancung hengin, muantak na hihnakin van khong hi.

⁵ Maw Pathian aw, na thawm ngengnak cu vanah khin langtikin; Na sunloihnak huham cu leihum buppi ah langtikin hi.

⁶ Na ngilnak tuah kohte panin, na ihmi na mihingte a luatnak haw tukin ka thungetnak don zalin hi.

⁷ A mun thiangtho sung pen Pathian in, “Lungdam zetin Shekhem cu khen tung; Sukkoth munlawn cu ka miphun tei lakah sem tung.

⁸ Gilead cu kata hi; Manasseh vang kata hi; Efraim cu ka lukhuh hi; Judah cu ka bawi thiangkhut hi.

⁹ Mahnaven Moab cu ka khut somnak kuangin mang tung a, Edom ngam cu ka kedam vawknakin mang tung. Filistin ka neh hangin au tung,” ti hi.

¹⁰ Maw Pathian aw, kulhtian khuapi ah akua kaw a hawhpih tuk? Edom ah kua in kaw kei a pui tuk?

¹¹ Maw Pathian aw, kei nunghek ngangai zo toh cim? Ka ngalkap tei lakah tel tukma cim?

¹² Ka ngal uhte do bawm zalin; Itahim titale mihing tei bopnak cu man nei ma hi.

¹³ Pathian keimuh tuah a um tale neh tuk ung. Ka ngal uhte neh tuk ung hi.