KAH LA 5 - Ngawm Bible

Hehpih Kut Thungetnak

¹ Topa aw, ka hum uh a hengmi hi phawkngil zal pahsun. Hu zo inna, ka zahcaknak uh muhsak zalin hi.

² Ka ngam uh le ka lo le lam neihmi uhte cu ka theih awng uh ngawl tei khut sungah heng hi. Ka inn uhte cu ngamdang tei ta in cang hi.

³ Ka pa uhte ngal ten that haw, ka nu uhte meivong cang haw a, nu le pa nei ngawl mi ca-ngahin suak ung.

⁴ Ka intuk uhmi tui ka lei uh kul hi; ka tuah tuk uhmi thing vang a man ka piak uh kul.

⁵ Ka ngawng uhah ngawngkol khaihin, ngamsa bangin catngawl hilmi ung hi. Cawlzet nave ung colh phal haw ma hi.

⁶ Ka nuncak theihnak tuk uhin, Izipt ngam le Assiria ngamah an ngenin hawh ung.

⁷ Ka pu le pa uhte cu a sual haw hangin thi khawng zo haw hi. Mahnaven a sualman haw cu keimuh ten thuak ung.

⁸ Sal sangin, a pha ngawl saw ten uk haw hi. A khut sung haw pen a suah theitu, kuamah um haw ma.

⁹ Mi that theite ngamsung tihkimah mi suam tukin dim haw a hih hangin thih lau thahin an zei in hawh ung.

¹⁰ Ka ngil uh a kial hangin ka taksa uhte satik khawng, ka vun uhte cu thuangthu bangin sa hi.

¹¹ Zion Mualhum loli pen ka zi uhte man haw hi. Judah khua hempoh ah ka canu uhte sualpih haw hi.

¹² Ka hotu uhte pui in, a ngawng haw pen awk hum haw hi. Ka putek uhte vang maizahnak imah pai haw ma.

¹³ Ka tangval uhte sal bangin, cang ngawitik haw; A puak haw mi thing a ngit leita hangin ka naupang tualleng uhte cu lum li haw hi.

¹⁴ Ka putek uhten a khun meknak haw khuapi kongka cu zamsan zo haw hi. Ka tangval uhten a tum mek haw mi tum ngingte cu zamsan zo haw hi.

¹⁵ Ka nunnak sung uh pen lungdamnak pai vawk zo. Ka nopnak uh le ka lamnak uh cu lungsiatnakin thek zo.

¹⁶ Ka tuangkhawn tuk uh imah umma toh hi. Ka sual zo uh hangin siatnak heng hi. Atu-in cimnak thuak ung.

¹⁷ Ka thin uh hak leita zo a, ka hitui uh hangin, ka mit uh mal zo hi.

¹⁸ Itahim titale, Zion mual cu vengzet hi, taisan mi le khualop a hih toh hangin cingnete vak kawkawi haw hi.

¹⁹ Mahnaven, Topa aw, nang cu kumkhua in kumpi hi ci. Na bawi khunnak cu kumkhua in, kho leleng tuk hi.

²⁰ Ita kohte nunghek leleng laih nge cim? Ituk ten kohte phawkleh tuk nge cim?

²¹ Na lakah pui kikleh zalin, Topa, pui kiklehtik zalin hi. Masa laih a, ka sunloihnak uhte pia kikleh zalin hi.

²² Kumkhua in keimuh lawl ngangai tuk toh cim? Na thinuknak hi, a pha hun nei tukma toh maw?