KAH LA 3 - Ngawm Bible

Dantatnak, Sihkiknak le Muansannak

¹ Pathian bawlsiatnak a haksa dan, A thinuknak a lauhuai lam, a theitu ing.

² Vaknak um ngawl khuathim sungah, thuk dedeuhin dok hi.

³ Hehpihnak um ngawlin, sun thaleng cawl ngawlin vat hi.

⁴ Ka taksa balin, ka nguhte vang ek khawng.

⁵ Haksat le vansannak thawnginn sungah khum hi.

⁶ Thihnak khuathim namsia lakah ka nuam ngawl zal umtik hi.

⁷ Thik taicin tuah khihin, luat tung tih muansan tuk nei ngawlin thawngta ing.

⁸ Pathian nelah bopnak ngenin, au ing, Mahnaven ka aunak za nuam ma.

⁹ Hoi thah li in, hawh ing a, ka heknak hempoh ah suang kulhtianin khak hi.

¹⁰ Vom bangin pangin, kiosa bangin dawk hi.

¹¹ Lampi pen hilvawkin, botbal khawngin taisan hi.

¹² A thal khau sai in, a muibahmi in bawl hi.

¹³ A thal tuah kapin, ka lung sungah thukpi tum.

¹⁴ Mipi ten sun nilui nuihsan haw hi. A ca haw in cekpan bawlnakin cang ing.

¹⁵ Ka nuam ngawl zalin tuikha intik a, a kha mi thuaknak cu an bangin eitik hi.

¹⁶ Ka mai cu lei tuah nawt ci a, suang humah ka ha ekbulh khawng.

¹⁷ Damnak, lemdaihnak le lungnopnak ten hawhsan haw. Lungdamnak cu iti bangta hi a, tih hei cingleh ma toh ing.

¹⁸ Ngei nung tukma toh ing. Topa lak pen ka muansannak bo zo.

¹⁹ Inn le lo nei ngawlin ka thuak lih hi ka ngaihsut ten ka ca in, a kha mi thihsi bang hi.

²⁰ Mahmi cu cawlngawlin ngaisung ing a, ka thinnau susuk hi.

²¹ Mahnaven hih thil pa khat ka zak ten muansannak heng kikleh hi.

²² A kho mi Topa i itnak cu itik hei ten cat awng ma hi; A hehpihnak cu tawp ni nei ma hi.

²³ Zing khuavak bangin thak leleng. Muantak a hihnak cu nasezet hi.

²⁴ Ka covo cu Topa bek hi; Mah hangin ka muansannak a nelah koih tung.

²⁵ Topa cu amah a muangtu tei ca in pha hi.

²⁶ Thinsau zetin ngak hih tuk cu ka ca in phabel hi.

²⁷ Mah thinsaunak cu khangno laihin cung ahin phabel.

²⁸ Haksatnak a thuak uhten, thinsau le dai zihziahin khung tukmi hung hi.

²⁹ Niamkhiatnak tuah lu kun tukmi hung hi; Itahim titale muansannak um kha thei laih hi.

³⁰ Zotsakmi le vahmi ahi uh hei in, thuak kawko khawng tukmi poh hung hi.

³¹ Topa cu mi hehpihtu hi in, Kumkhua in eimuh lawl tukma.

³² Thasiatnak a pia hei in, a lainatnak cu lang tuk hi; A itnak cu muantak hi.

³³ Ka khaw-ngaihnak le ka thuaknak hangin a lungdam viang ma hi.

³⁴ Topa in, ka lungmu thawnginnah lei ah cilpek ka hihlam thei khawng hi.

³⁵ Ama piakmi covo a ngah ngawl uhten amah in thei khawng hi.

³⁶ Thukhennak mun a thuman a dinpih haw ngawl ten amah in thei khawng hi.

³⁷ Topa i tumtahnak tel ngawlin, imah bawlsuak theih awng ma hi.

³⁸ Cungnungbel thupiakmi bangin, a sia le pha co ten haw hi.

³⁹ A sual haw hangin bawlsiatmi a hih haw ten itakaw mihingte a phuciak lih haw?

⁴⁰ A nuncan uhte hi zo kikin, Topa nelah kikleh un hi.

⁴¹ Vancung Pathian nelah a khut uh bek hi ngawlin a lungmu uh vang pia nung hi. Hi bangin thungen nung:

⁴² “Topa aw, na mai ah sualin langpang zo ung; mahnaven ngaidam ma ci.”

⁴³ Na thinuknak tuah thuamdun ci; Hehpihnak nei ngawlin hilin that ci.

⁴⁴ Na thin pulhangnak meinim cu ka thungetnak uhin paihlet vawk thei ma.

⁴⁵ Nangmah in, leihum buppi miphun tei mai ah ningdelhhuai buakin bawl ci.

⁴⁶ “Ka ngal uh hempoh ten zotsak nautatnak awnkam tuah cek haw hi.

⁴⁷ Siatsuahnak le bolalnak tawk zo ung; Lauthawngnak le lauhuainak sungah um ung.

⁴⁸ Ka mihingte siatlalnak a tawh haw hangin ma hitui cu lui bangin luang hi.”

⁴⁹ Ka hitui cu ciktui bangin catngawl put leleng.

⁵⁰ Topa in vancung pen zo in, amuh laklawh cawl awng ma.

⁵¹ Khuapi sung unau tei humah a hengmi thil hangin ka thinna leita thong.

⁵² Vano bangin thang tuah awk haw, thu la um ngawlin a huatu ka ngalin hi.

⁵³ A nung lengin khuk sungah keimah khiasukin, suang tuah sinta zam haw hi.

⁵⁴ Tui in, a dim tutuh ten thi pal tung tin ngaisung ing.

⁵⁵ Maw, Topa, khuk sung a tawbel pen nangmah sam ing.

⁵⁶ Ka aunak ngai tukin ka kut ten theihsak ci.

⁵⁷ Ka aunak aw cu donleh ci a, ‘Lau pahsun,’ ti ci.

⁵⁸ Topa aw, keimah pan tukin hung ci a, ka nunnak cu pan ngah zo ci.

⁵⁹ Ka humah a phatngawl dante na theihsa khawng a hih hangin ka thu cu cel zetin khensak zalin hi.

⁶⁰ Ka ngal ten a mitkem haw dan le a bawlsiat haw dante cu thei khawng leng ci. Maw Topa nangmah in, a zotsaknak le a bawlsiatnak haw hempoh thei khawng leng ci.

⁶¹ Topa in, zotsaknak le a bawlsiatnak haw hempoh za khawng leng ci.

⁶² Sun thalengin keima thu bek son haw a, keima siat theihnak tuk bebek ngaisung haw hi.

⁶³ A khun haw ten hihen, a din haw ten hihen cekpan bawlnakin mang li thong haw hi.

⁶⁴ “Topa hiti bang a bawl haw hangin cawh inna, dantatin hi.

⁶⁵ Siatcam inna, lungkhamnak tuah dim haw tahen.

⁶⁶ Na thinuknak tuah zei tul zal inna, leihum pen bolaltik khawngin hi.”