JOSHUA 12 - Ngawm Bible

Moses i Nehmi Kumpite

¹ Israel tei nehmi le a luah haw mi ngamte cu Jordan pen nisuahnak lamah Arnon munlawn pen Jordan ngun kuam saklamah Hermon Mual tian hi. Israel tei nehmi kumpite cu;

² Heshbon a um Amor kumpi, Amon kuam el a ummi Aroer pen le Gilead kuam laizang pen Ammon ngamngi Jobbok ngun tian telcih hi.

³ Jordan ngun kuam le Tuipi Thi pen nisuahnak lamah Galilee tuiting pen Beth Jeshimoth lamah hanglam ngam a ummi Pisgah Mual tian hi.

⁴ Refaim nam sung pen a um calam Bashan kumpi Og vang neh hi. Og cu Ashtaroth le Edrei khua uktu hi.

⁵ A ngam ukmi sungah Hermon Mual le Salekah, Bashan peng buppi, kumpi Geshur le Maakah mitei ngamngi tian, Gilead ngam a lang Heshbon kumpi Sihon i ukmi ngam tian tel hi.

⁶ Hi kumpi pa nih cu Topa i sila Moses le Israel miten neh haw hi. Topa i nadek tu Moses in, a ngam haw cu lonsakin, Reuben hinnam, Gad hinnam le Manasseh hinnam khenkhat tei lakah a ngam haw tukin pia hi.

Joshua i Nehmi Kumpite

⁷ Joshua le Israel miten Jordan nitumnak lam ngam, Lebanon kuam a ummi Baalgad pen Seir lamah Halak Mual tian neh haw hi. Hi ngam cu minam um zahin Joshua in khenin, a kumkhua a neih haw tukin pia hi.

⁸ Hi ngam sungah mualhum ngam, nitumnak lam ngam, Jordan ngun kuam, mual nuai tuan ngamte, phillawn ngam le Negev ngam tel hi. Hi ngam cu Hit mi, Amor mi, Kanaan mi Periz mi, Hiv mi le Jebus mitei umnak ngam hi.

⁹ A neh haw mi kumpi cu Jerikho kumpi, Ai kumpi (Bethel khua el)

¹⁰ Jerusalem kumpi, Hebron kumpi,

¹¹ Jarmuth kumpi, Lakhish kumpi,

¹² Eglon kumpi, Gezer kumpi,

¹³ Debir kumpi, Geder kumpi,

¹⁴ Hormah kumpi, Arad kumpi,

¹⁵ Libnah kumpi, Adullam kumpi,

¹⁶ Makkedah kumpi, Bethel kumpi,

¹⁷ Tappuah kumpi, Hefer kumpi,

¹⁸ Afek kumpi, Lasharon kumpi,

¹⁹ Madon kumpi, Hazor kumpi,

²⁰ Shimron Meron kumpi, Akshaf kumpi,

²¹ Taanak kumpi, Megiddo kumpi,

²² Kadesh kumpi, Jokneam kumpi (Karmel a ummi),

²³ Dor kumpi (Tuipi mawk a ummi) Goiim kumpi (Galilee a ummi) le

²⁴ Tirzah kumpi hi. A venghawng haw in kumpi sawm thum le pa khat hi.