JOB Laibu (The Book of Job) 35 - Ngawm Bible

^1-2 Job aw, nangin, “Pathian mai ah mawhnak nei mang,” na tihmi hi dik hi tin ngaisung cim?

³ “Ka sual ngawlnak hin ikaw ka nemcuamnak um? Ka sual bang ahin ka ca in ikaw a nemcuam?” tin ti ci.

⁴ Nangmah hihen, na ngualcamte hihen keimah in, na thu uh donleh tung.

⁵ Van zoto tehin! Meingote zo hemin, n angmah sangin iti zahin sang saw haw kaw?

⁶ Na sual ahi hei in Pathian in haksatnak pia ma hi. Thil sual vei tampi na bawl li hei in Pathian in a noksak hah kha ma hi.

⁷ Na dikcangnak hangin Pathian bawm ing tin maw na ngaihsut? Na lak pen Pathian i kinmi imah umma hi.

⁸ Na sualnak hangin a thuaktu cu nangma ngualcam hi. Na phatnak tuah na bopmi cu amah leleng hi.

⁹ Mihing cu bawlsiatnak a tawh haw ten huisa in tau mek haw hi. Nunpantu pa kha khat lakah pantik tuk deihin, ngenin au haw hi.

¹⁰ Mahnaven haksatnak hun a hen ngangai ten amuhte tha a piatu le semsuahtu Pathian lamah hek nuam haw ma hi.

¹¹ Ngamsa le vanote sangin cip saw deuhin, eimuhte A semsuahtu, Pathian cu zuan nuam hihim haw ma.

¹² Bopnak deihin au in kap haw, mi uangkho le mi ngilo a hih haw hangin Pathian in donleh ma hi;

¹³ A au lih haw man umma, Ihempoh tithei Pathian in mu ma; a za vang za ma hi.

¹⁴ Job aw, nangin Pathian mu mang ti ci. Mahnaven thinsauzet ngakin, na thu le la a mai ah heng hi.

¹⁵ Pathian i thinuknakin mi bawlsia ma hi, sualnak vang imah kinmawh ma hi tin ngaisung ci.

¹⁶ A sullam um ngawlin hamtul menmun thong ci, na otlih mi i sullam ikaw tih thei ma ci.