JOB Laibu (The Book of Job) 26 - Ngawm Bible

Job i donlehnak:

^1-2 Ka ca in iti zahin bawmtu pha cim! Mi ca-ngah, mi nawmtam kei hi!

³ Ngaihsutnak phazet pia thei ci, keimah bang misil na cihnak na kawm phal hi!

⁴ Hizah na otmi hi akua in kaw ngai ceng hen na tih? Hi bang awn tukin atiktu kua kaw?

Bildad in:

⁵ Mithi tei hawvang cu leinuai tui sung pen can li haw hi.

⁶ Mithi khua Sheol cu Pathian mai ah lang khawng; lalthongnak mun cu limtu imah nei ma hi.

⁷ Pathian in saklam van cu phalhin; van kaw hawmpi sungah leipi cu khaih hi.

⁸ Meingo sungah tui koihin, tui cu ngitzet naven pahvawk ngawlin Pathian in kham hi.

⁹ Hade cu meingo limah selin; A mai hempoh khuhtik khawng.

¹⁰ Tuipi thuanthum a bemmi humah tiamtehnak khau kai in, mahten vaknak cu thimnak tuah khen hi.

¹¹ Van a dotu khuamte hingin, a thup ten a thinsu in launak tuah can tawtok haw hi.

¹² A zaangtha cahnak tuah tuipi cu nehin; a thiamnak tuah ngulpi Rahab cu that hi.

¹³ A haihawhin van cu ciangtikin, a khut tuah ngulpi taili cu that hi.

¹⁴ Mahnaven hite cu a ngilnak a lekno bek laih hi; a theih uhmi cu a huihhawl bangfang hi; Pathian a thawmngeng dan tatak cu akua in kaw a thei zo tuk?