JOB Laibu (The Book of Job) 12 - Ngawm Bible

Job i donlehnak:

^1-2 Hi zuh hi, na otmi hi mipi tei ngaihsutnak hi. Na thih uhten na cihnak uh vang bo bok tuk hi.

³ Mahnaven nangmuh bangin cihnak nei bok ing. Nangmuhte sangin nauta cuang mang, na ot uhmi cu akua nabang i zak khawng sa poh hi.

⁴ Ka ngualcamte hei in, atu-in kei nuihsan haw hi; Sonbang tuk um ngawl a dikcangmi hi naveng nuihsan leleng haw; Pathian in ka thungetmi a donleh hun um hi.

⁵ Noh cu haksatnak tawk ma uh ci; Mah hangin cekpan bawlnak munin mang uh ci; A lumsa mi pa cu vat thuah uh ci.

⁶ Mahnaven nguca le Pathian thei ngawlte cu lungmuang zetin um haw hi. A pathian haw cu a khut haw in cawi kawi theihmi hi.

⁷ Vano le ngamsa hei in, nangmah thu tampi zilh thei haw tuk;

⁸ Leihumah um a ngamsa le tuisung a, ngasa tei lak pen cihnak ngen un.

⁹ A venghawng haw in, Pathian khut tuah bawlmi a hihnak haw cu thei khawng haw hi.

¹⁰ Pathian in, a ngamsa hempoh uk khawngin, mihing nunnak cu a khutah um hi.

¹¹ Na lei uhin, an a uknak a theih bangin, na beng uhin mitei awn theih tuk cu nuamzet hi.

¹² Kum upa ten cihnak nei haw a, khansau ten theihtupnak nei haw hi.

¹³ Mahnaven Pathian in cihnak le huham nei hi, a lakah ngaihsutnak pha le theihtup theihnak um.

¹⁴ Pathian i phiatsa mi cu akua in kaw a sakikleh thei tuk? Pathian i thawng a khiakmi cu akua in kaw a suah thei tuk?

¹⁵ Pathian in nguahzu tuk ngawlin a kham ten ihempoh ko khawng hi. Tui a hahleh ten, tuihau tungin ihempoh siatsuah khawng.

¹⁶ Pathian cu ngilin nehtu hi leleng a, mi zoltu le zolmite vang ama ukmi hi.

¹⁷ Thu ngaisung tei cihnak cu siatsuah khawng hi; Lampuitute cu misil bangin nadektik hi.

¹⁸ Kumpipa i kol a bulhmite cu duhsakin, kumpite cu thawngah khia in, a tai hawah taikhap khap sak hi.

¹⁹ Thiampi le thuneitute cu zakcatik hi.

²⁰ Muansanzet mite cu vatmitin, uktu tei thuneihnak cu sut khawng hi.

²¹ Thuneitute cu mualphotikin, uktu tei thuneihnak cu sut khawng hi.

²² Khuathim sung a, thukuhte langtikin, a sah zetmi meingo cu vaaknak tuah thektik hi.

²³ Minam tampi ngengtikin, ngiltik naven nehin siatsuah khawng hi.

²⁴ A hotute cu siltikin, lampi thei ngawlin vakvai haw hi.

²⁵ Khuathim sungah vak haw in, zukham misilte bangin lum buabual haw hi.