JEREMIAH 47 - Ngawm Bible

Topa In Filistin Thula Hilh

¹ Izipt kumpi in, Gaza a do laih ngawlin Topa in, Filistin ngam cungcang hilh hi;

² Topa in, “Zo hemin! Saklamah tui khang tuk hi. Tuilun bangin luimawkah let tuk hi. Leipi le a hum a ummi hempoh khuh tuk hi. Khuapi le a sungum mihingte khuh tuk hi. Mah ni ten bopnak deihin, au haw tuk hi. Leihum mi hempoh nasezet tau in, kap haw tuk hi.

³ Cipuh tei ke kal thawm za haw tuk a, cipuh leng tai thawm le lengke pei thawm vang za haw tuk hi. Pa ten a cate bawm tukin kik haw tukma; A khut haw cu a sikah phia thei ngawlin khai tuk hi.

⁴ Filistin ngam siatsuahnak hun heng zo. Taiar le Sidom pen bopnak a ngah calam haw mi sahcatnak tuk hun cu! Keimah, Topa in Filistin mite siatsuah tung. Krete tuikulh pen a hungte cu!

⁵ Gaza mitei lakah lungsiatnak ngengpi heng hi. Ashkelon mite cu dai khipkhep haw hi. Ituk tian kaw Filistin ngam khenkhatte mithi ngai in, a um haw tuk?

⁶ Topa i ngalnam, ituk tian kaw mi na sat pepel hih laih? Na nam kawng sungah kikleh inna, mahlai ah mengdenin um tohin hi, tin au hi.

⁷ Mahnaven itin kaw bawl tuk dehvo ka piak nungten mengdenin, a um theih tuk? Ashkelon do tukin le tuipi mawk a, ummite sat tukin thupia zo ing hi,” ti hi.