JEREMIAH 45 - Ngawm Bible

Baruch Lakah Pathian Thutepnak

¹ Josiah capa Jehoiakim in, Judah kumpi a deh kum li kumin, Baruch in ka hilhmi lai cu ngan hi. Mahten Baruk lakah,

² Topa Israel Pathian i awnkam cu hilh ing. “Baruch,

³ nangin, ‘ka lungbing zo. Topa in ka haksatnak hempoh humah lungsiatnak bet thuah pepel hi. Ka taunak hangin cawlin, thim khawng zo ing. Colhdamnak ngah mang,’ ti ci.

⁴ “Mahnaven Keimah, Topa in, ka saksa mite phelet khawngin, ka phut sate botleh khawng ing. Lei buppi hi mahtih bangin bawl tung.

⁵ Na ca in, a cuangin nunnopnak zei nuam cim? Zei nuam pahsun! Minam hempoh tei humah siatlalnak hengtik tung. Mahnaven nang cu na hawhnak hempoh ah thi ngawlin suakca tuk ci. Keimah, Topa in hilh zo ing,” ti hi.