JEREMIAH 41 - Ngawm Bible

¹ Mah kum ha salih ha in, kumpi unaupih, kumpi khutnuai a, bawi upabel lakah telbokmi, Elishama i casuan Nethaniah i capa Ishmael cu mi sawm khat tuah Judah ngamuktu Gedaliah tawk tukin Mizpah ah hawh haw hi. An kuang a kil khawm haw laihtakin,

² Ishmael le a mihing sawm khat ten a ngalnam haw suahin, Gedaliah cu that haw hi.

³ Gedaliah lak a, um Israel mite le Babilon ngalkap khenkhat cu mahlai a umte vang Ishmael in that khawng hi.

⁴ A zingten, Gedaliah a thah haw kuamah i theih laih ngawlin,

⁵ Shekhem, Shiloh le Samaria pen mihing sawm liat heng haw hi. A kha mul haw metin, a puan haw botkekin amuh le muh sundunin le atdunin, Biakinn ah canghovam le namtui pia tukin a hungte haw hi.

⁶ Ishmael in kapthahin, Mizpah pen na muak hi. A lak hawah a hen ten, “Gedaliah tawk tukin hung hem un,” tin ti hi.

⁷ Khuapi sung a tum haw ten Ishmael le a mihing ten that haw in, a luang haw cu tuikhuk sungah vawk khawng haw hi.

⁸ Mahnaven amuh tei lak pen mi sawm khat ten Ishmael lakah, “Kohte hu that zazal pahsun; canghovam, cangtol, olif situi le khuaihumte hampa lakah selmi nei ung,” tin lem haw hi. Mah hangin that ngawlin khawih hi.

⁹ Ishmael in, a thahmi tei luang a vawknak tuikhuk cu ngengpi hi a, Israel kumpi Baasha in, kumpi Asa a do laihin kumpi Asa i kuatmi tuikhuk hi. Ishmael in mah tuikhuk cu miluang tuah dimtik hi.

¹⁰ Babilon ngalkap puitu ngalbawi Nebuzaradan in Gedaliah cingkhawi tukin a koihmi kumpi canute le Mizpah khua mipite cu thawngah khia khawng hi. Mahte cu Ishmael in, salah manin, Ammon ngam lamah taipih khawng hi.

¹¹ Ishmael i thil sual a bawlmi cu Johanan le amah tuah ummi ngalkap hotu ngalbawi ten a zak haw ten,

¹² ngalkapte tuah hil haw a, Gibeon a tuiting ngengpi el pen pha haw hi.

¹³ Ishmael i sal matmi ten Johanan le amah tuah a hungmi ngalbawite cu amuh haw ten lungdamzet haw hi.

¹⁴ Nunglam hekkikin, amu lakah tai haw hi.

¹⁵ Mahnaven Ishmael le a mihing liatte cu Johanan in man ngah ngawlin tai vawk haw a, Ammon ngamah heng haw hi.

¹⁶ Johanan le a ngalbawi ten, Ishmael in Gedaliah a thah ceng ten mizpah pen sal a matmi ngalkapte hihen, numei le naupangte hihen, tilngehte tian phano zo haw hi.

^17-18 Mahnaven Babilon kumpi in Judah ngamuktu in, a bawlmi Gedaliah cu Ishmael in, a thah hangin Babilon mite lau in, Izipt ngamah tai haw hi. Bethlehem khua el Khimham ah cawl haw hi.