ISAIAH 35 - Ngawm Bible

Thianthohnak Lampi

¹ Phillawn cu a lungdam tuk; ngamkhing lakah pak kungte pak haw tuk hi.

² Phillawn cu lasa in; lungdamin au tuk; Lebanon mual bangin mawi tuk, Karmel le Sharon lo bangin a ngampha tuk hi. Pathian i sunloihnak cu akua na bangin mu haw tuk hi. A nase zia le a huham neihzia mu haw tuk hi.

³ Khut cak ngawlte caktik unna, A va ngawlin a hing tetekmi khukte khohtik un.

⁴ Thasia mi le lungbingmi lakah “Ngil unna, imah lau pahsuh un; Pathian cu nangmuh pan tukin hung li hi, Na ngal tei humah phu la tukin hung hi,” tin hilh un.

⁵ Mitcaw ten khua mu thei in, Bengbul ten thu za haw tuk hi.

⁶ Ke bai miten dawkin lam haw tuk a, A awn thei ngawlte vang lungdamin au haw tuk a, phillawn pen ciktui luangin,

⁷ A kang li zomi philte cu tuinimah cang tuk hi. Lei a ko mi cu ciktui in dimleh tuk hi. Cingne tei um lihnak munah, Phuk le phaiphengte po haw tuk hi.

⁸ Mahlai ah mipi ca in lampi ngengpi um tuk a, “Thianthohnak lampi” tin sam hi tuk hi. Misualte cu mahmi lampi zui thei haw tukma. Mahlai ah a hawhtute cu misil tei lamhoih sualnak tawk haw tukma hi.

⁹ Mahlai ah pawpite um tukma; Sahang dangte hei in cil haw tukma hi. Topa i patsuah mite cu, Hi lampi zui in, a inn hawah pin haw tuk hi.

¹⁰ Lungdam thatuino in, Jerusalem heng haw tuk, nunnopzet lasa in, au haw tuk hi. Khaw-ngaih lungsiatnak pen luat haw tuk toh a, Kumkhua in nunnop leleng tuk hi.