ISAIAH 20 - Ngawm Bible

Thacang Ngamtami Profet Melciknak

¹ Assiria ngam kumpipa Sargon i thupiaknak bangin Assiria ngalkap hotu ngalbawi le a ngalkap ten Filistin tei khua Ashdod do haw hi.

² A laihngawl kum thumin Topa in, Amoz capa Isaiah cu a silhmi a thangkhau puan le a kedamte cu duktik awng zo hi.

³ Ashdod a lak haw ten Topa in, “Ka sila Isaiah cu thacang le kedam bun ngawlin kum thum sung um zo toh hi. Hihi Izipt le Ethiopia tei humah a heng tukmi melciknak hi.

⁴ Assiria kumpipa in, hi ngam, ngam nih pen a matmi salte cu thacangin hawhpih haw tuk hi. Khangno hihen, upa hihen, ke thacang le pumpi thacangin hawh haw tuk; a zahmawh haw vang lang khawng tuk a, Izipt tei ca in zahcakhuai ngangai haw tuk hi.

⁵ Ethiopia ngam a, muangtu le Izipt ngam a phatson litute cu amthongin lungbingzet haw tuk hi.

⁶ Mah hun a hen ten Filistin ngam tuipi mawk a ummi ten, ‘Assiria kumpipa i khutsung pen eimuhte humhimtu tuk tin, a muan lih uhte iti bang hawta kaw, zo hem un! Iti bangin luat thei kam nung?’ ” tin ti li haw hi.