ISAIAH 15 - Ngawm Bible

Pathian In Moab Siatsuah Tuk

¹ Hihi Moab thula hi. Ar le Kir khuapi cu zan khat sungin siatsuahmi hi a, Moab ngam cu khing diudeu hi.

² Dibon khua mite cu biaklandawhah a kap tukin mualhumah kai haw hi. Moab mite cu Nebo le Medeba mite amuh haw ten thasia le khaw-ngaizet kapin, tau haw hi. Thasia zetin, a sam le khamulte vang met khawng haw hi.

³ Khuasung lamvak ten thangkhau puan silhin, a khua suah le inn hum pen kap le au in kio haw hi.

⁴ Heshbon le Elealeh khua mite cu kap le au in, a aw haw cu Jahaz tian zak theih hi. Ngalkap ngalphabel hei can li haw hi. A ngalphatnak haw cu pai khawng hi.

⁵ Moab i ca in, ka thin nazet hi! A mihingte Zoar khua le Eglath Shelishiah khua tian tai khawng haw hi. Mi khenkhat cu Luhith lampi tawnin, a hawh thahin, kap thathah haw; a khenkhatte cu Horonaim lamah tai in, lungleng le kapthah pepel haw hi.

⁶ Nimrim lui cu kang khawngin, a el a hampate cu thim khawng haw; hamhing umma toh.

⁷ A neih haw hempoh tuah suakca nuamin, Paaknem Munlawn kalvawkin hawh haw hi.

⁸ Moab ngamngi bul hempoh cu kahnak aw ngeh nging hi. Eglaim le Berelm khua ah kahnak aw nging thang hi.

⁹ Dibon khua luituite cu thisan tuah dim khawng. Mahnaven mahsang nase saw, amu ca in Pathian in hengtik tuk laih hi. Mahzuh, Moab ngam sungah a tang calam mi pa nih khatnote vang cu thah khawng hi haw tuk hi.