ISAIAH 12 - Ngawm Bible

Lungdamnak La

¹ Mah ni a hen ten mipi ten; “Topa aw, nangmah thangphat ing. Ka humah na thinuk naven, atu-in, keimah hehnem ci a, na thinuk ma toh ci.

² Pathian cu keimah Pantu hi; Amah muang tung a, imah lau tuk mang. Topa in huham le thazaang pia hi; Amah cu keimah Pantu hi,

³ Dangdum tei ca in tuithiangno cu, A lungdamnak haw a hih bangin, Pathian in, a mitei ca in, a nunpatnak cu, A lungdamnak haw hi,” tin la in sa haw tuk hi.

⁴ Mah ni a hen ten mipi ten: “Topa i lakah lungdamnak thuhilh un; Bawmtu tukin amah sam un; Miphun hempoh tei lakah a nadehmi hilh un: A thawmngeng dan than un!

⁵ Topa lakah lasa un! Thasiahhuai na tampi bawl zo hi. Mah thuthang cu lei buppi in za tahen.

⁶ Zion ah a ummi hempoh ten lasa in, au haw hen. Israel tei Pathian thiangtho cu a thawmngengzet thong hi; A mitei lakah um,” tin lasa haw tuk hi.