EZEKIEL 15 - Ngawm Bible

Sabit Ngui Tuah Tehkipnak

¹ Topa in ka lakah,

² “Mihing pa, Ezekiel aw, Sabit ngui khi thingkung tuah tehkip theih ni maw? Sabit kak pa khat cu tupi sung a, thingkungte tuah tehkip ten nemcuamnak i um tuk kaw?

³ Sabit kak cu a nemcuamnak um maw? Puanzaknak tuk hei in nemcuam a maw?

⁴ Mei lapnak tuk bekin nemcuam hi. Sabit kak cu a bul le a lek mei kangin, a laizang vang a ko khawng nungten imah nemcuam ma hi.

⁵ Meihal laih ngawl hihimin, nemcuamnak nei ma hi. Mei tuah halin, a kang nung sesem ten nemcuamnak imah nei ma tin,” ti hi.

⁶ Cungnungbel Topa in hi bangin ti hi. “Sabit ngui cu tupi sung pen la in, a haal haw bangin, Jerusalem khuasung a ummite cu la tung a,

⁷ dantat tung hi. Vei khatnak mei alh pen luat zo haw naven atu-in, mei tuah haal hi haw tuk hi. Ka dantat ten Topa ka hihlam cu thei haw tuk hi.

⁸ Muantak tuk um ngawlin ka hum a nun haw hangin hi ngam cu ngamkhingin bawl tung,” ti hi. Cungnungbel Topa in hilh zo hi.