1 KHANGSIALNAK 7 - Ngawm Bible

Isskhar Casuante

¹ Isskhar in capa pa li nei in, Tola, Puah, Jashub le Shimrori haw hi.

² Tola in capa pa luk nei in: Uzzi, Refaiah, Jeriel, Jahmai, Ibsam le Shemuel haw hi. Amuhte cu Tola hinnam pen a lubel hi tek haw hi, ngalkap minthang vang hi haw hi. David Kumpi khanin, a mihing venghawngin, thawng sawm nih le thawng nih le za luk kim haw hi.

³ Uzzi in capa pa khat Izrahiah nei hi. Izrahiah in capa pa li nei in; Mikhael, Obadiah, Joel le Isshiah haw hi. Amuhte cu a hinnam ten tei lupi hi haw hi.

⁴ Zi le cano tampi nei haw in, a canaute cu ngalkap dek thei thawng sawm thum le thawng luk kim haw hi.

⁵ Cazin a ngat haw bang ahi tale Issakhar i hinnam hempoh pen ngalkap dek thei mihing thawng sawm liat le thawng salih kim haw hi.

Benjamin le Dan Casuante

⁶ Benjamin in capa pa thum Bela, Bekher le Jediael nei hi.

⁷ Bela in capa pa nga nei in; Ezbon, Uzzi, Uzziel, Jerimoth le Iri haw hi. A hinnam sung haw pen a lubel hi tek haw in, ngalkap minthangzet vang hi haw hi. A casuante cu ngalkap dek thei bebek mihing thawng sawm nih le thawng nih, sawm thum le pa li haw hi.

⁸ Bekher in capa kuah nei in: Zemirah, Joash, Eliezer, Elioenai, Omri, Jeremoth, Abijah, Anathoth le Alemeth haw hi.

⁹ Cazin sung bang ahi tale, a hinnam tek a sial haw ten, a casuante cu ngalkap dek thei thawng sawm nih le za nih haw hi.

¹⁰ Jediael in capa pa khat Bilhan nei hi. Bilhan in capa salih nei in: Jeush, Benjamin, Ehud, Khenaanah, Zethan, Tarshish le Ahishahar haw hi.

¹¹ A hinnam haw pen lu hi tek haw in, ngalkap minthang bebek hi haw hi. A casuan sung pen ngalkap dek thei thawng sawm le thawng salih le za nih haw hi.

¹² Shuppim le Huppimte cu Ir i hinnam mite haw hi. Dan i casuante cu Hushim le Aher i capate haw hi.

Naftali Casuante

¹³ Naftali in capa pa li nei in, Jahziel, Guni, Jezer le Shallum haw hi. Hite cu Bilhah i casuan haw hi. Bilhah cu Jakob i zineu hi a, capa Dan le Naftali hing hi.

Manasseh Casuante

¹⁴ Manasseh in zineu, Aramean numei huai in: capa pa nih Asriel le Makhir nei haw hi. Makhir cu Gilead i pa hi.

¹⁵ Makhir in Huppim le Shuppim i celnu zi in huai hi. A celnu i min cu Maakah hi. Makhir i capa pa nihnak cu Zelofehad hi in, canu bek nei hi.

¹⁶ Makhir i zi Maakah in, capa pa nih hingin, a min haw cu Peresh le Sheresh sa haw hi. Peresh in capa pa nih Ulam le Rakem nei hi.

¹⁷ Ulam in capa pa khat Bedan nei hi. Hite cu Gilead i casuan hi haw in, Gilead cu Makhir capa Manasseh casuan hi.

¹⁸ Gilead celnu Hammolekheth in capa pa thum nei in: Ishod, Abiezer le Mahlah haw hi.

¹⁹ Shemida in capa pa li nei in: Ahian, Shekhem, Likhi le Aniam haw hi.

Efraim Casuante

²⁰ Efraim i casuante cu a nuailamte: Shuthelah, Bered, Tahath, Eleadah, Tahath,

²¹ Zabad, le Shuthelah haw hi. Efraim in, a dang capa pa nih Ezer le Elead nei hi, mahnaven Gath a, um mitei khui ngu tukin a tum haw laihin that haw hi.

²² A pa haw Efraim cu mithi ngai in umin, a unau ten tohpih haw hi.

²³ Mahnung ten a zi tuah zaukawm haw in, a zi cu naupai a, capa pa khat nei hi. A capa haw cu a innkua ah khaw-ngaihnak a tawh haw hangin a min cu Beriah sa haw hi.

²⁴ Efraim in canu pa khat Sheerah nei hi. Sheerah in Humta le Nuaita Beth Horon khua le Uzzen Sheerah khua thak toh hi.

²⁵ Efraim in capa dang pa khat Refah nei in: Refah i casuante cu, Telah, Tahan,

²⁶ Ladan, Ammihud, Elishama,

²⁷ Nun le Joshua haw hi.

²⁸ Hi mite a luah haw mi le a umnak haw khua cu Bethel le a elkim khua, nisuahnak lam pen Naaran tian, nitumnak lam pen Gezer le a elkim khua tian hi. Shekhem, Ayyah khua le a elkim khuapi vang tel haw hi.

²⁹ Manasseh casuan ten Beth, Sean, Taanak, Megiddo le Dor khuapi le a elkim a khua uk haw hi. Hi ngamah in, Jakob capa Josef i casuante um haw hi.

Asher Casuante

³⁰ Asher i casuante cu a nuailamte hihi. Asher in capa pa li nei in: Imnah, Ishvah, Ishvi le Beriah haw hi. Canu pa khat nei in: a min cu Serah hi.

³¹ Beriah in capa pa nih Heber le Malkhiel nei hi. (Malkhiel cu Birzaith khuapi tohtu hi.)

³² Heber in capa pa thum nei in: Jaflet, Shomer le Hotham haw hi. Canu pa khat Shua nei hi.

³³ Jaflet vangin capa pa thum nei in: Pasak, Bimhal le Ashavath haw hi.

³⁴ A nau Shomer in capa pa thum nei in: Rohgah, Jehubbah le Aram haw hi.

³⁵ A nau Hotham vangin capa pa li nei in: Zofah, Imna, Shelesh le Amal haw hi.

³⁶ Zofah i casuante cu Suah, Harnefer, Shual, Beri, Imrah,

³⁷ Bezer, Hod, Shamma, Shilshah, Ithran le Beera haw hi.

³⁸ Jether casuante cu Jefunneh, Pispa le Ara haw hi.

³⁹ Ulla casuante cu Arah, Hanniel, le Rizia haw hi.

⁴⁰ A venghawng haw in, Asher i casuante haw hi. A, hinnam tek haw pen thupibel hi haw in, ngalkap minthang le hotu pha haw hi. A mu lak pen ngalkap dek thei mihing thawng sawm nih le thawng luk um haw hi.