1 KHANGSIALNAK 2 - Ngawm Bible

Judah Casuante

¹ Jakob in capa sawm le pa nih nei in, a capate cu Reuben, Simeon, Levi, Judah, Issakhar, Zebulun,

² Dan, Josef, Benjamin, Naftali, Gad le Ashur haw hi.

³ Judah in capa pa nga nei hi. A zi, Kanaan numei, Bathshua in capa pa thum, Er, Onan le Shelah nei hi. A capa upabel Er cu a sual leita hangin Topa in that hi.

⁴ A mo Tamar lakah capa pa nih Perez le Zerah nei hi.

⁵ Perez in capa pa nih, Hezron le Hamul nei hi.

⁶ A nau Zerah in capa pa nga nei in Zimri, Ethan, Heman, Kalkol le Darda haw hi.

⁷ Karmi i capa Akhan in Topa i zehsah na cu ama ca tukin, a nguk hang Israel tei ca in mi siatsuahtu in suak hi.

⁸ Ethan in capa pa khat, Azariah nei hi.

David Kumpi Innkuate

⁹ Hezron in capa pa thum, Jerahmeel, Ram le Kaleb nei hi.

¹⁰ Ram pen Jesse tian, a unaupih tei cikhaihtute cu: Ram, Amminadab, Nashon, amah cu Judah hinnam pen minthang zetmi hi.

¹¹ Salmon, Boaz,

¹² Obed le Jesse haw hi.

¹³ Jesse in capa salih nei hi. Upabel pen nautabel tian a sasangin, Eliab, Abinadab, Shammah,

¹⁴ Nethanel, Raddai,

¹⁵ Ozem, le David haw hi.

¹⁶ Canu pa nih, Zeruiah le Abigail nei hi. Jesse i canu Zeruiah in capa pa thum nei in, Abishai, Joab le Asahel haw hi.

¹⁷ A canu dang Abigail in Ishmael i casuan Jether pasalin capa pa khat, Amasa nei haw hi.

Hezron Casuante

¹⁸ Hezron capa Kaleb in, Azubah huai in canu pa khat, Jerioth nei haw hi. Capa pa thum nei lehin, Jesher, Shobab le Ardon haw hi.

¹⁹ Azubah a thih nungten Kaleb in, Efrath huai in capa pa khat, Hur nei hi.

²⁰ Hur i capa cu Uri hi in, Bezalel cu atu hi.

²¹ Hezron cu kum sawm luk a kim ten Makhir canu, Gilead i celnu, huai hi. Capa pa khat, Segub nei in,

²² Segub in capa pa khat, Jair nei hi. Jair in Gilead ngamah khuapi sawm nih le pa thum uk hi.

²³ Mahnaven Geshur le Aram ngam ten khua sawm luk la haw in, Jair le Kenath khua le a elkim a, khuanote tel haw hi. Mah khuasung a, ummite cu Gilead i pa Makhir i casuante haw hi.

²⁴ Hezron a thih nungten a capa Kaleb in, a pa i zi Efrath huai hi. Capa pa khat Ashhur nei haw; Ashhur cu Tekoa khuasattu hi.

Jerahmeel Casuante

²⁵ Hezron capa upabel Jerahmeel in capa pa nga nei hi. Upabel cu Ram hi, a dangte cu Bunah, Oren, Ozem le Ahijah haw hi.

^26-27 Ram in capa pa thum nei hi, Maaz, Jamin le Eker haw hi. Jerahmeel in zidang Atarah nei in, capa Onam nei haw hi.

²⁸ Onamin capa pa nih nei in, Shammai le Jada haw hi. Shammai in capa pa nih nei in, Nadab le Abishur haw hi.

²⁹ Abishur in Abihail huai in, capa pa nih, Ahban le Molid nei haw hi.

³⁰ Nadab in capa pa nih, Seled le Appaim nei hi, Seled cu ca nei ngawlin thi.

³¹ Appaim cu Ishi i pa hi, Ishi cu Sheshan i pa hi, Sheshan cu Ahlai i pa hi.

³² Shammai nau, Judah in capa pa nih, Jether le Jonathan nei hi, mahnaven Jether cu ca nei ngawlin thi.

³³ Jonathan in, capa pa nih, Peleth le Zaza nei hi. A venghawngin Jerahmeel i casuan haw hi.

³⁴ Sheshan in capa nei ngawlin canu bek nei hi. Izipt mi umlawhpa khat Jarha tihmi pa nei hi,

³⁵ mahpa i lakah a canu pa khat zi in neitik hi. Capa nei haw in, Attai hi.

³⁶ Attai i cikhaihte cu a sasangin, Nathan, Zabad,

³⁷ Eflal, Obed,

³⁸ Jehu, Azariah,

³⁹ Helez, Eleasah,

⁴⁰ Sismai, Shallum,

⁴¹ Jekamiah le Elishama haw hi.

Kaleb Casuante

⁴² Jerahmeel i naupa Kaleb i capa upabel cu Mesha hi. Mesha cu Zif i pa hi, Zif cu Mareshah pa hi, Mareshah cu Hebron i pa hi.

⁴³ Hebron in capa pa li nei in, Korah, Tappuah, Rekem le Shema haw hi.

⁴⁴ Shema cu Raham i pa hi a, Jorkeam i pu hi. Shema i u Rekem cu Shammai i pa hi.

⁴⁵ Shammai cu Maon pa hi, Maon cu Bethzur pa hi.

⁴⁶ Kaleb in zineu pa khat, Efah nei in, capa pa thum nei hi. Haron, Moza le Gazez haw hi. Haran in, capa pa khat, Gazez a tih bok haw mi nei hi.

⁴⁷ Jahdai in capa pa luk nei in, Regem, Jotham, Geshan, Pelet, Efah le Shaaf haw hi.

⁴⁸ Kaleb in zineu dang nei in, a min cu Maakah hi. Capa pa nih nei haw in, Sheber le Tirhanah hi.

⁴⁹ A nungten a dang capa pa nih Shaaf le Shevah nei leleu haw, Shaaf cu Madmannah khuasattu hi, Shevah cu Machbenah le Gibea khuasattu hi. Kaleb i canu pa khat Aksah a tih haw nei hi.

⁵⁰ A nuailamte hi Kaleb i casuan haw hi. Kaleb le a zi Efrath tuah a hinnam haw mi capa upabel cu Hur hi. Hur i capa Shobal cu Kiriath Jearim khuapi sattu hi;

⁵¹ Shobal i capa pa nihnak Salma cu Bethlehem khuasattu hi, Salma i capa Haref cu Beth Gader khuasattu hi.

⁵² Kiriath Jearim khuapi sattu Shobal cu Haroeh mi, Menuhoth a um hinnam tei alang,

⁵³ Jearim khuapi a um, a nuailam hinnamte, Ithri mi, Puth mi, Shumath mi le Mishrai mitei cikhaihtu hi. (Zorah mi le Eshtaol mite cu hih hinnam tei cikhaihmi haw hi.)

⁵⁴ Bethlehem khuasattu Salma cu Netofah mi, Atroth Beth Joab mi, Zor mi le Manahath a ummi alang tei cikhaihtu hi.

⁵⁵ A nuailam a hinnamte, laingan thiamtu le lai sialsiah thiamtute cu: Tirath mi, Shimeath mi le Sukath mite cu Jabez khua ah um haw hi. (Amah cu Ken mi hi in, Rekhab tuah huaidun mite haw hi.)