1 Edk 2 - BAEBOLO ANZƐƐ BULUKU NWUANZANWUANZA

Dwuda abo zo amra

¹ Gyekɔbo (Yizilayɛ) wole mralɛ mrenya bulu nee nwiɔ. Bɛmɛ a le Wulubɛn, Semɛyɔn, Livae, Dwuda, Yesakaa, Zɛbulɛn,

² Dan, Dwosefi, Bɛngyaman, Nafetalae, Gaade, yɛɛ Ahya.

³ Dwuda amra mrenya a le Ɛɛ, Onan, yɛɛ Hyila. Ɔ nee Batehyua mɔɔ le Keenanli la ara raalɛ a wole bɛ a. Dwuda ara kpanyinli Ɛɛ yɛle amumuyɛ, na ɔlua zolɛ Ɛdɛnkɛma hunle ye.

⁴ Dwuda eza nee ɔ ra nrenya aye Teemaa noko wole Pɛlɛze yɛɛ Zila. Dwuda amra mrenya ne mɔ le nnu.

⁵ Pɛlɛze wole mrenya nwiɔ: Hɛzelɔn yɛɛ Hamɛle.

⁶ Zila wole mrenya nnu. Zemelae, Yitan, Himan, Kalekɔlo, yɛɛ Dɛda.

⁷ Kaamae ara Ekaa hwenle munzule kpole rɛlɛle Yizilayɛma, ɔluakɛ debie biala mɔɔ bɛkɛva bɛkɛbɔ azu bɛkɛmaa Nyamenle la ɛnee yehɔwua.

⁸ Yitan ara nrenya a le Azalaya.

Belemgbunli Devidi abusua ɛlɔnwɔne ne

⁹ Hɛzelɔn wole mralɛ mrenya nsa. Bɛmɛ a le Gyɛlamii, Relam, yɛɛ Kalɛbe.

¹⁰ Abusua ɛlɔnwɔne ne mɔɔ vi Relam anwo zo badwu Gyɛsi anwo zo la ɛne: Relam, Amenadabe, Neehyɔn (ɔle Dwuda abusua ne anu mandimase kpalɛ)

¹¹ Salemɔn, Bowaze,

¹² Obɛde, yɛɛ Gyɛsi.

¹³ Gyɛsi wole mrenya nsuu: Yilayabe a le kpanyinli a. Mɔɔ doɔdoa zolɛ la a le Abenadabe, Hyama,

¹⁴ Nɛtanɛle, Reladeeyae,

¹⁵ Ozɛm, yɛɛ Devidi.

¹⁶ Eza ɔwole mralɛ mraalɛ nwiɔ. Bɛmɛ a le Zɛluaya nee Abegeli. Gyɛsi ara raalɛ Zɛluaya wole mrenya nsa. Bɛmɛ a le Abehyae, Dwowabe, yɛɛ Asahɛle.

¹⁷ Gyɛsi ara raalɛ Abegeli gyale Gyitɛ, mɔɔ le Yehyemeeyɛle abo zo sonla la na ɔ nee ye wole ralɛ nrenya, bɛdonle ye Ameesa.

Hɛzelɔn abo zo amra

¹⁸ Hɛzelɔn ara Kalɛbe gyale Azuba na ɔ nee ye wole ralɛ raalɛ, bɛfɛlɛ ye Gyɛleyo. Ɔdaye noko ɔwole mrenya nsa. Bɛmɛ a le Gyihyɛ, Hyobabe, yɛɛ Adɔn.

¹⁹ Azuba wule la, Kalɛbe gyale Yifelate na ɔ nee ye wole nrenya ko, bɛfɛlɛ ye Huuli.

²⁰ Huuli ara a le Yulae yɛɛ ye anlɔnra a le Bɛzali.

²¹ Hɛzelɔn lile ɛvolɛ abulasia la, ɔgyale Meekɛ ara raalɛ mɔɔ le Geleade adiema ne. Ɔ nee ye wole nrenya ko, bɛfɛlɛ ye Sigɛbe.

²² Sigɛbe wole nrenya ko, bɛfɛlɛ ye Gyeeyɛɛ. Gyeeyɛɛ ziele azuamgbole abulanwiɔ nee nsa wɔ Geleade maanle nu.

²³ Na Gihyɔ nee Ɛlam amra honle vale maanle ne anu azua abulasia; Gyeeyɛɛ nee Kinate namunamu ne mɔ nee azua mɔɔ bikye ɛkɛ ne afoa nu la amuala boka nwolɛ. Menli mɔɔ ɛnee wɔ azua ɛhye mɔ azo la amuala le Meekɛ mɔɔ ɔ ra a le Geleade la abo zo amra.

²⁴ Hɛzelɔn wule la, ɔ ra Kalɛbe gyale Ɛfelate mɔɔ le ɔ ze aye kunlanvolɛ ne. Bɛwole nrenya ko, bɛfɛlɛ ye Ahyɔɔ; yemɔ a ɔwole Tɛkowa mɔɔ kyekyele sua ne mɔɔ bɛfɛlɛ ye Tɛkowa la a.

Gyɛlamii abo zo amra

²⁵ Gyɛlamii mɔɔ le Hɛzelɔn ara kpanyinli ne wole mrenya nnu. Bɛmɛ a le Relam, yemɔ a ɔle kpanyinli a, yɛɛ akee Bunaa, Ɔlɛn, Ozɛm, yɛɛ Ahaegya.

^26-27 Relam wole mrenya nsa: bɛmɛ a le Meeyaze, Gyeemen, yɛɛ Yikɛ. Gyɛlamii eza gyale raalɛ bieko, bɛfɛlɛ ye Atala. Ɔ nee ye wole nrenya ko, bɛfɛlɛ ye Onam.

²⁸ Onam wole mrenya nwiɔ: Hyameeyae nee Gyeeda. Hyameeyae noko wole mrenya nwiɔ: Needabe nee Abaehyɔ.

²⁹ Abaehyɔ gyale raalɛ bie mɔɔ bɛfɛlɛ ye Abeheli na ɔ nee ye wole Aaban nee Molede.

³⁰ Abaehyɔ adiema Needabe wole mrenya nwiɔ: Silɛde nee Apeeyem. Silɛde anwo ralɛ nrenya na yeawu.

³¹ Apeeyem ara a le Ayehyae; Ayehyae wole Hyihyan yɛɛ Hyihyan wole Aaleeyae.

³² Hyameeyae adiema Gyeeda wole mrenya nwiɔ. Bɛmɛ a le Gyitɛ nee Dwɔnatan. Gyitɛ anwo ralɛ nrenya na yeawu.

³³ Dwɔnatan wole mrenya nwiɔ: Pilɛte nee Zeeza. Ɛhye mɔ amuala le Gyɛlamii abo zo amra.

³⁴ Hyihyan anwo nrenya. Ɔwole mraalɛ ngome. Na ɛnee ɔlɛ ye sonvolɛ bie mɔɔ vi Yigyibiti la, bɛfɛlɛ ye Gyaaha.

³⁵ Na Hyihyan vale ɔ mra mraalɛ ne mɔ ko manle Gyaaha gyale, ɔ nee ye wole nrenya ko, bɛfɛlɛ ye Ateeyae.

³⁶ Abusua ɛlɔnwɔne ne mɔɔ vi Ateeyae anwo zo kɔdwu Yilaehyama anwo zo la a le ɛhye: Ateeyae, Neetan, Zeebade,

³⁷ Ɛfelale, Obɛde,

³⁸ Gyihu, Azalaya,

³⁹ Hilɛze, Ɛliesa,

⁴⁰ Sesemae, Hyalɛm,

⁴¹ Gyɛkamaya, yɛɛ Yilaehyama.

Kalɛbe abo zo amra bie mɔ

⁴² Gyɛlamii adiema Kalɛbe ara nrenya kpanyinli ne, bɛfɛlɛ ye Mihya. Mihya wole Zefe mɔɔ wole Malihya, mɔɔ le Hibulɔn ɔ ze ne.

⁴³ Hibulɔn wole mrenya nna: Kɔla, Tapua, Rilikɛm, yɛɛ Hyima.

⁴⁴ Hyima ara a le Releeham yɛɛ ye anlɔnra a le Dwɔkowam. Rilikɛm mɔɔ wole Hyameeyae la adiema a le Hyima.

⁴⁵ Hyameeyae a wole Meeyɔn a, yɛɛ Meeyɔn a wole Bɛtezɛ a.

⁴⁶ Kalɛbe lɛ ye mgbɔnla bie, bɛfɛlɛ ye Yifaa. Ɔ nee ye wole mrenya nsa. Bɛmɛ a le Hɛlan, Maza, yɛɛ Geezɛze. Hɛlan ɔdaye ɔwole nrenya ko, bɛfɛlɛ ye Geezɛze.

⁴⁷ (Nrenya bie mɔɔ bɛfɛlɛ ye Gyadeeyae la wole mrenya nsia. Bɛmɛ a le Religɛm, Dwotam, Gihyan, Pilɛte, Yifaa, yɛɛ Hyeeyafe.)

⁴⁸ Kalɛbe lɛ ye mgbɔnla bieko, bɛfɛlɛ ye Meeyaka. Ɔ nee ye wole mrenya nwiɔ. Bɛmɛ a le Hyibɛ nee Tɛheena.

⁴⁹ Nzinlii Meeyaka wole mrenya nwiɔ bieko. Bɛmɛ a le Hyeeyafe mɔɔ kyekyele sua ne mɔɔ bɛfɛlɛ ye Mademana la; yɛɛ Hyiva, mɔɔ ɔdaye noko ɔkyekyele Makebina nee Gebɛya azua ne mɔ la. Kalɛbe eza lɛ ɔ ra raalɛ ko, bɛfɛlɛ ye Akesa.

⁵⁰ Menli ɛhye mɔ noko le Kalɛbe abo zo amra: Huuli a le Kalɛbe nee ɔ ye Yifelate ara nrenya kpanyinli a. Huuli ara nrenya Hyobale a kyekyele Keleate Gyialem a.

⁵¹ Ɔ ra nrenya ne mɔɔ tɔ zolɛ nwiɔ mɔɔ bɛfɛlɛ ye Salema la a kyekyele Bɛtelɛhɛm a, yɛɛ ɔ ra nrenya ne mɔɔ tɔ zolɛ nsa la, bɛfɛlɛ ye Hɛlɛfe. Yemɔ a ɔkyekyele Bɛtegeeda a.

⁵² Hyobale mɔɔ kyekyele Keleate Gyialem la abo zo amra a le menli mɔɔ de Haloyi la yɛɛ Mɛnuhotu ezuavolɛ ne foa ko.

⁵³ Mbusua ekpulike ɛhye mɔ mɔɔ wɔ Keleate Gyialem la bɛdabɛ bɛle Hyobale abo zo amra: Yetelama, Putima, Hyumanema, yɛɛ Mehyelama. (Menli mɔɔ vi Zola nee Ɛhyeteewolo la bɔ abusua ɛhye bie.)

⁵⁴ Salema a kyekyele Bɛtelɛhɛm a. Ɔ bo zo amra a le Nɛtofatema, Atolo Bɛte Dwowabema, yɛɛ Zolama. Menli ɛhye mɔ bɔ Manahate abusua ne bie.

⁵⁵ (Mbusua ɛhye mɔ noko mɔɔ ɛlie duma wɔ mɛla ɛhɛlɛlɛ nee bɛ ɛhilehilelɛ nu la dɛnlanle Gyeebɛze: bɛmɛ a le Taelatema, Hyemɛyama, yɛɛ Sukatema. Bɛle Kinama mɔɔ vi Heemate na bɛwolole bɛhɔgyale Rilikabe mraalɛ a.)