Sam 63 - Nobonob Baibel

Danab nug, Kayak nug ele daaglahnu unuqittak

Imuam Dawitnu sam; sam imuam haen Dawit nug atu taɗakppa dayom, am amunu sam.

¹ O Kayak, na dahil Kayak, da ool unuqagppanu na anitten dim lamidkkulnu na madittem. Da na ele daagnihnu ool okkai daatte. Da meul ohppa danab nug aben le iitta, atu qaɗaiettakppa oiyaya, lenu oo daatte bia, da na ele daagnihnunab ool okkai daatte.

² Da nahip mettid lagppa appa amu, da na anidkkul. Appa da nahip ɠagattag, nahip binag amahlak oppiaawak ele, da amu ele anidkkul.

³ Nahip oo mauhaknab kobol am enanag; bau dayak gemu daattem imu eɗittak daatte amunu, da na binan mettem.

⁴ Da bau daattem haen imuppa, na amenppa, “Ena heme,” awe akkul. Da eppel hume, na unuqidkkul.

⁵ Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

⁶ Da abenppa niieye, da nahipnu dabmettem. Ao, tuqan amu, da nahipnuib dabmettem.

⁷ Haen oh na da ehaniɗttem amunu, da na haut waappa dayeye, oo gamag ahak ahi ettaladttem.

⁸ Da na guguitten dim lamitti oiɗɗa, na da atognoiɗna autnanab aottem.

⁹ Laa ag da iuglagnu maidtteb ele, ag nauhkkulag. Ao, ag mauhna autna aoglag.

¹⁰ Laa ag ag qep elabppa aqaglag. Ag beɗulag amu doɗ jakal dilag ee daaglag.

¹¹ Amge king nug am Kayaknu oo gamag ahakku. Ao, laa oh ag Kayak onigppa ahilag nai ɠagattag qena atteb amu, ag Nug binag mekkulag. Aɗinu? Nug heeb, hambuppuak danab, ag toettak daaglag.