Sam 21 - Nobonob Baibel

Kayak ehanittaknu binag mak

Imuam Dawitnu sam; Dawit nug danab kwaia gumattenu yom.

¹ O Yawe, king nug nahip ɠagattagnu gamag ahak okkai dootte! Yo, na nug ehanidttem amunu, nug gamag ahak ele ette.

² Na nug aɗi keekenu oo unuqagppa oo heum mettame amunu, king nug gamag ahatte. Yo, na nug keeke ohnu oɗ meum amu, na nug mettame amunu, nug gamag ahatte. Sila.

³ Amu na nug gumidna uɗin, itittak ena kuɗum mettame. Na haɗ gol ena dubuttid iitta eleppa hak amu igippa meme.

⁴ Nug bau dayak medakkutnu oɗ mette, am na anam heme. Yo, nug bau haen elab dayaknu oɗ mette, na bau dayak elab mettan, na hanhan nuhigppan laa king daakkunu ame.

⁵ Na nug ehanitte, nug binag amahlak oppiaawak ele am okkai daatte. Yo, na hee, nug danab dagom onig ɠagattag okkai naɗi ele daatte.

⁶ Amu na nug itittak ena hanhannu mettame. Na danab aun na nug ele daayya, danab amu nug gamag ahak dootte, na king ele daayya, nug gamag ahak dootte.

⁷ King nug Yawenu ooppa genab dootte amunu, Kayak Attannab Laa Oh Eɗattak Nug oo mauhaknab kobol doya dim lamitta heeb, nug ii na qema.

⁸ ⌊O Yawe,⌋ na geha nahip kekeɗ aɗualadkkut. Ao, na eppen naɗiap ɠagattag am geha, laa ag nahipnu nau ninig ele dootteb amu aɗualadkku.

⁹ Yawe, na nahip kekeɗ gukkualadna gona, na ag aab gakkaɗaknab laa ad he nauhtte bia hadappe nauhkkulag. Ao, Yawe, na ahilagnu oppoɗin beeb, na ad aab ewe nauhtte bia ag hadappe nauhkkulag.

¹⁰ Na heppe, ag buɗulkad laa wanppa ii daama. Yo, na heppe ag buɗulkad laippu laa danab ah oolagppa ii daama.

¹¹ Amu nahipad kekeɗ ag ib digdigppa eheɗ nau heidkkulagnu maidkkulag. Ao, ag anam maidkkulag, amge dabmak nau ahilag amu meu ii oma.

¹² Aɗinu? Geha na lat nahip aon pimalppe, ag lat aeg ag yaaladkku anidna, ag eɗun, oolna gokkulag.

¹³ O Yawe, na danab nahip ɠagattag ippunadkkutnu unuqidttem. Na am ɠagattag okkai ele, amuppa na hak okkai okkai hettem. Amu ig ahi ettatta, hak okkai okkai amu dabmetata, na binan humagnig.