Sam 150 - Nobonob Baibel

Yawe binag maknu sam

¹ Ag Yawe binag meig! Ao, ag Kayak, nuhig mettid lagppa gona, Nug binag meig! Ge, hab attan, amuam Yawenu ɠagattag ippunigtte, appa ele ag Nug binag meig!

² Nug uɗat okkai, ɠagattag ele heum amunu, Nug binag meig! Ao, Nug am okkainab. Laa nug okkai amubia ii daatte amunu, ag Nug binag meig!

³ Ag trampet huana iwalnana, amuppa binag meig! Ao, ag harp, laia ele qenana, amuppa binag meig!

⁴ Ag tambarin qenana, ahi ele goɗanna, amuppa Nug binag meig! Ao, ag gita qenana, dumuttum iwalnana, amuppa Nug binag meig!

⁵ Ag simbal huana qeeg, oqotti huana otte ele amu, ag amu qenana, amuppa Nug binag meig! Ao, ag simbal qebeppeg, oqotti huananab oobob, amuppa ag Nug binag meig!

⁶ Keeke oh bau daatteb, ag Yawe binag meig! Ag Yawe binag meig!