Sam 15 - Nobonob Baibel

Yawe danab ah ag aɗi hekkulagnu atte

Imuam Dawitnu sam.

¹ O Yawe, aun nug nahip mettid lagppa na noomppa dup noa binan mekkunu elele? Ao, aun nug qauko nahip, qauko amuam nahipnu tituanak daatte, aun nug amuppa na gumitta wakkunu elele?

² Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

³ ag laa dilagnu ag onilag nauhkkunu nai nau ii atteb, ag ahilkad mudippan laippu guittak ii madatteb, ag lailkad dilagnu nai nau ii atteb,

⁴ ag danab kobol uɗig wak hetteb ele dilagnu ena iinab dootteb, amge ag laa, ag na Yawe, ag nahipnu ebehilag oh bodoetta le mette ele, ag amu dilagnu binalag metteb, ag aɗi keeke hekkulagnu ahilag nai ɠagattag qena appig ele amu, ag nai amu dim lamidkkulagnu guittak doottebtai, amge hetteb,

⁵ ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.