Sam 142 - Nobonob Baibel

Danab nug Yawe ehanidkkunu unuqittom

Imuam Dawitnu sam; am maskil laa. Am nug wan oɗeppa dayaya, aɗi aɗi nuhigppa beumnu nai. Am unuqittak laa.

¹ Da Yawe Nug da ehaniɗkkunu huanak ettem. Yo, Nug dahilnu oo gai-iitta doya, oo meɗa ehanittak okkai meɗakkunu gayeye, oɗ medattem.

² Da unuqittette, da keeke da uug meɗatteb ele, da Yawe amegppa amunu attem. Yo, da keeke heeg, da uug doottem ele, da amunu Nug amegppa attem.

³ O Yawe, da oolppa elele ii doottem haenppa amu, ib da gottem ele, na ib amu doottem. Amu ib da gottem ele, amuppa danab ag da aɗailkkulagnu pelem laa lokkumna meppig daatte, ⌊amge na amunu aben ele doottem⌋.

⁴ Na da eppel naɗiap-ppa neegna, auntai laa da atognoiɗa ɠagattag iukkunu laa ii daatte anidkkut. Da padal mak eɗitteb ena daakkulnu aben laa iitta. Da mauhkkul dayeb amu, auntai laa nug amu dab-ii-mema.

⁵ O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

⁶ Da ool gai-iitta ma auta awa dayeye, nahip ehanittak aokkulnunab daattem amunu, na dahil unuqittak dookkutnu oɗ medattem. Ao, kekeɗ dahilad ag dahil ɠagattag eɗidppig amunu, na ehaniɗppe, ag da heiɗppeg ii nauhpanu na unuqidttem.

⁷ O Yawe, da na binan mekkulnu elele daakkulnu amu, na uug da toniɗtteb imu mautkkutnu oɗ medattem. Anam dayeb, dimppa genab tutukku hak danab ah ag keeke ena ena na dahilppa heme amu anidna, ag doppeg, da ele tamanignig. Aɗinu? Na dahilnu kobol ena heme.