Sam 137 - Nobonob Baibel

Laa nug Israel danab ah wan laappa diia ukka laih me dayak danab ah daaegeg, nug ahilagnu mahittak heum

¹ Ihinkad kekeɗ ag aikkeg, Babilon gota daatta amu, Babilon appa ig Sionnu dabmeta, ig le ihippa daatta gaamut.

² Appa amu, ig harp ihinkad ad popla eppelkadppa aihadmut.

³ Ig amu hemutnu diig am, laa ag ig eɗigna, aikkeg appa gomut ele amu, ag haknunab ana, ig ahi qekkunignu appig. Ao, laa ag ig uug okkai, guittak ele megappig amu, ag ihinignu, “Sionnu ahi laa ig doognignu etteg!” aon appig.

⁴ Amge ig wan laappa daattem. Ig Israel ii daattem. Ig ippa Yawenu ahi ettaladkkunignu elele iitta.

⁵ Da Jerusalemnu daul atikku dayeb amu, da eppel naɗiap am harp qekkunu daug atiaɗ!

⁶ Da Jerusalemnu ii dabmekkul dayeb, da Jerusalemnu gamag ahak okkai, laa oh eɗittak, ii dookkul dayeb amu, da lemaɗul attan ta, bagagɗil aɗa, ɠagattag eppeb, da baula ahi edakkulnu, nai madikkulnu ele elele iitta dayei!

⁷ O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

⁸ O Babilon danab ah, ag nauhna autna aoglag. Ag eheɗ nau hegappignu, laa nug amunu bu madakku amu, nug gamag ahaɗ!

⁹ Genab, laa nug nid yuɗ ahilkad diia buɗialatteb, menppa beɗulkad yaalattebeb nauhkkulag, danab amu nug gamag ahaɗ!