Sam 136 - Nobonob Baibel

Yawe amegppa, “Ena heme,” anaknu sam laa

¹ Ag Yawe amegppa, “Ena heme,” aon aig! Aɗinu? Yawe Nug enaib dayaya, enaib ele hette. Laa amu, nuhig oo mauhaknab kobol hanhan alet daatte.

² Ig Kayak, Nug kayak laa oh eɗattak daatte, ig Nug amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

³ Ig Naɗi, Nug naɗi laa oh dilag Naɗi daatte, ig Nug amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

⁴ Ig Yawe, Nugib kobol danab haknu elele iitta hette, ig Nug amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

⁵ ⌊Ig Yawe,⌋ Nug am diignu doyak tutukku ele aɗa, Nug hab heum amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

⁶ ⌊Ig Yawe,⌋ Nugib he, leppanu wan beum daatte amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

⁷ ⌊Ig Yawe,⌋ Nug aam, kalam, hoɗoppai ele hattom amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

⁸ ⌊Ig Yawe,⌋ Nug aam amun gumaama, amunppa amahalkkunu heum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

⁹ ⌊Ig Yawe,⌋ Nug kalam, hoɗoppai ele tuqan gumanna, amahalkkulagnu hattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹⁰ ⌊Ig Yawe,⌋ Nugib he, Isipnu nid ⌊danab⌋ tatamnu mauhppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹¹ ⌊Ig Yawe,⌋ Nug Israel danab ah Isipnu diiom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹² ⌊Ig Yawe,⌋ Nug nuhig ɠagattag okkai amuppa anam heum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹³ ⌊Ig Yawe,⌋ Nug he, Le Kokoɗ obatom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹⁴ ⌊Ig Yawe,⌋ Nug he, Le Kokoɗ obate, Nug aakku Israel danab ah omalatte, yuppa qagaiettak laa iitta, enaib mataɗna goppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹⁵ ⌊Ig Yawe,⌋ Nug Israel danab ah omalatte, Le Kokoɗ mataɗna goppig, amge Nug he, Paro am nuhig ban daup ele oh ag yuppa mauhppig amu, ⌊ig Nug amegppa, “Ena heme,” atu!⌋ Aɗinu? Nuhig oo mauhaknab kobol hanhan alet daatte.

¹⁶ ⌊Ig Yawe,⌋ Nug danab ah nuhig omalatte, atu taɗakppa wana goppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹⁷ ⌊Ig Yawe,⌋ Nug king okkai okkai eɗatta, hatte nauhppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹⁸ ⌊Ig Yawe,⌋ Nug king ɠagattag ele aqattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

¹⁹ ⌊Ig Yawe,⌋ Nug Amo dilag king Sihon qe mauhom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

²⁰ ⌊Ig Yawe,⌋ Nug Basan dilag king Og qe mauhom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

^21-22 ⌊Yawe,⌋ Nugib king aɗit amu dilah wan diiata, Israel danab aulag daaglahnu Israel danab mattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte. Ao, ⌊Ig Yawe,⌋ Nug king amu dilah wan diiata, ag aulag daaglahnu, nuhig maɗi nid Israel mattom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

²³ ⌊Ig Yawe,⌋ Nug danab ag ihinignu dabmak atognoak ii aon, eheɗ dooikkegeg, ig Nug daugppa doum amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

²⁴ ⌊Ig Yawe,⌋ Nug ig ihinkad kekeɗ eppelagppa padal mematanu ehanikka awikkom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

²⁵ ⌊Ig Yawe,⌋ Nug keeke oh bau daatteb ee madatte amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

²⁶ Ig Kayak hab attan daatte amegppa, “Ena heme,” atu! Aɗinu? Nuhig oo mauhaknab kobol hanhan alet daatte.