Sam 131 - Nobonob Baibel

Danab nug ooppa genab doyak elenu unuqittak

Imuam Dawitnu sam. Sam imuam ahi laa Jerusalem taknu ugakka ettaknu.

¹ O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

² Iitta. Da toetten, oo makppaib daattem; nid nakok anig huh matu atitta malom, nid nug anig eppegppa dagom niitte bia, da toetten, oo makppaib daattem. Ge, da nid nakok anig huh matu atitta malom, da oolppa nid amubia toetten, oo makppaib daattem.

³ O Israel danab ah, ag Yawenu, gemu, hanhan ele oolagppa genab doyeg!