Sam 127 - Nobonob Baibel

Yawe enaib hettenu Nug binag mak

Imuam Solomonnu sam laa. Sam imuam ahi laa Jerusalem taknu ugakka ettaknu.

¹ Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

² Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

³ Antte! Danab bekkod ag am danab mameg aug medatte bia Yawe eppegppanu uɗitteb. Yo, bekkod amu ag am Yawe toppan keeke ena, nob iitta aakku.

⁴ Haen danab bau nug bekkod menuadtte amu, bekkod amuam ban danab eppegppa lat aeg hawaɗnab ele daatteb bia aakku.

⁵ Ban danab laa lat aeg kuɗum ele aɗa daya, gamag ahatte bia, danab laa nug bekkod kuɗum ele, nug itittak ena awom daatte. Ag aab okkainu aɗ odppa kekeɗ ele nug mehqak hebeppeg amu, ahilkad kekeɗ ag eɗadkkulagnu elele iitta.