Sam 126 - Nobonob Baibel

Yawe Nug laa ehanitteb, nug qagaiettakppa ii daamanu unuqittak laa

Sam imuam ahi laa Jerusalem taknu ugakka ettaknu.

¹ Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

² Ig gamag ahak okkai doot, imamut. Ao, ig gamag ahak doot, ahi ettamut. Wan imuppan wan anen anen appa ag appig. “Yawe Nug keeke okkai ahilagnu heum.”

³ Yawe Nug ihinignu keeke okkai heum. Ig oo gamag ahak okkainab doottem.

⁴ O Yawe, na ihinig danab ah baula itadkkutnu oɗ medattem. Na oot mekkan, gu ne, Negeb appa le am le ibuppa baula dayaya gotte, amubia na ig itigkkutnu oonig daye oɗ medattem.

⁵ Danab ah ag uɗat huana henana, gayak ele dad ebatteb ele amu, ee meu awak haenppa, ag meu aona, gamag ahak okkainab doon, baalag okkaippa na binan mekkulag.

⁶ Am genab, laa ag gaanna, ee aeg ebatteb ele, ag geha gamag ahak okkai ele ee meu aon uɗinna, ag ahi ettaglag.