Sam 125 - Nobonob Baibel

Yawe Nug nuhikkud danab ah atognoatte, ag Nug waappa, ena daatteb

Sam imuam ahi laa Sion taknu ugakka ettaknu.

¹ Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

² Qauko ag Jerusalem talilidna daaeg, kekeɗ ag banenig uɗin, Jerusalem tekkulagnu ib ena iitta, amubia Yawe Nug danab ah nuhikkud taliliatta atognoadtte; gemu am hanhan ele anamib daatte.

³ Anam amunu, nau hak danab ag genab tutukku hak danab iinab hanhan gumadmana. Ag anam helob amu, genab tutukku hak danab ag eɗun, nau helobtai.

⁴ O Yawe, na laa ag kobol ena, tutukku ele dim lamidna hetteb amu, na amu dilag ena hekkutnu oɗ medattem. Ao, laa ag oolag unuqagppa kaliak laa ii daatte, na ag ena hadakkutnu unuqidttem.

⁵ Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!