Sam 124 - Nobonob Baibel

Yawe Nug nuhikkud danab ah eheɗ ahilagppa bemanu atognoadtte

Imuam Dawitnu sam. Sam imuam ahi laa Jerusalem taknu ugakka ettaknu.

^1-3 Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

⁴ Yawe Nug ig ii ehaniglo amu, ig peh laa ui he nauhtte bia daalom. Ao, ig am peh laa ui eheɗ nau ahokkaltte bia daalom.

⁵ Yawe Nug ig ii ehaniglo amu, ihinkad kekeɗ ag ui naunab nau hette bia, ag ig eheɗnab eɗigna iqalob.

⁶ Ahappeg, ig Yawe binag metu! Nugib ehanikka he, kekeɗ ag qai doɗ nakok laa oɗeppa aɗa, aegppa beɗu he nauhtte bia ihinigppa ii heppig.

⁷ Nug ehanikke, ig am ai laa uhuippa notte, amge eɗua giɗo antta, ba gotte bia daattem. Ao, Yawe Nug pelem amu loppaɗe, ig ena daattem!

⁸ Yawe Nug ig ehanigtte. Nug hab, wan ele haatom.