Sam 123 - Nobonob Baibel

Yawe Nug laanu oo gai-iitta doya, oo metta, ehanidkkunu unuqittak

Sam imuam ahi laa Jerusalem tekkunu ugakka ettaknu.

¹ O Yawe, naib sia king nahip-ppa hab attan dayeye, da neekki, attan nahip-ppa tette.

² Begbeg maɗi nid ag ahilkad okkai eppelkadppanu, ag ee, keeke laala ele bau daaglagnu aoglagnu dabmetteb. Ao, maɗi nid ahin ag ahilkad ah okkai ag ee keeke madappeg, bau daaglagnu dabmetteb. Amubia ig Yawe, ihinig Kayak, Nug ihinignu oo gai-iitta doya oo mekka ehanigkkunu ameg mettem.

³ O Yawe, danab ah kuɗum ag ihinignu keeke hamunab dootteb amunu, na ihinignu oot gai-iitta doon oot mekkan ehanigkkutnu oɗ medattem. Ao, na ihinignu oot gai-iitta doon oot mekkan ehanigkkutnu unuqidttem.

⁴ Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋